Sulsher: "O'tgan safar Parijda yutganimizdan keyin eyforiyaga berilib ketgandik"

"Yodimda, o'tgan safar Parijda yutganimizdan keyin eyforiyaga berilib ketgandik va ketma-ket mag'lubiyatlar kuzatilgandi. SHu boisdan xotirjamlikka berilmaymiz. Bizga kamida 10 ochko kerak.

Himoyada muammolar bor edi. Erik Bayi 2-3 haftaga safdan chiqdi. SHu sababli Tuanzebeni sinab ko'rdik. Yomon emas. Unda barchasi o'xshadi. Umuman olganda, Neymar yoki Mbappesi bor jamoalarga qarshi o'yinlarda darvozabonlar va himoyachilardan ko'proq seyvlar talab qilinadi. Aksel bo'lajak top-himoyachi, ko'rib turibsizki, so'nggi 10 oy ichida ilk marta o'yinga tushsa ham professionalligini ko'rsata oldi.

Skottida ham muammo bor edi. U o'yinni linzalar bilan boshlagandi, biroq o'yin paytida linzalarni yo'qotib qo'ydi. Lekin bu unga muammo bo'lmadi. Brunu esa ikki marta penaltida adashgan bo'lsa-da, bizning asosiy penaltichimiz bo'lib qoladi", - dedi Sulsher.