"Ikkita bir-biriga munosib jamoalar to'qnashuvi bo'ldi. Turnir jadvalidan ham olib qaralganda juda muhim va kerakli o'yin edi. Birinchi bo'limda o'zimiz istagan o'yinni ko'rsata olmadik. Natijada o'z-o'zidan standart vaziyatdan gol o'tkazib yubordik. Birinchi bo'limda imkon qadar teparoq o'ynab pressing qilishimiz kerak edi. SHunga men hayron qoldim, yigitlar ikkinchi raqam ostida harakat qilishdi. O'yinga tayyorgarlik jarayonida unday ko'rsatma bermagan edim. Istaymizmi yo'qmi o'z darvozamiz oldida noto'g'ri o'ynaganimizdan so'ng Marko Stanoevichda ham ochiq hududlar paydo bo'ldi. Bu futbolda bo'lib turgan narsa, darvozabonimizni ham ayblamagan bo'lardim. Tanaffusda futbolchilarga tushuntirdik, kerakli o'yin, barchasi o'z qo'limizda ekanligini takidladik. Ikkinchi bo'limda yigitlar 15-20 daqiqa golga qadar yaxshi harakat qilishdi. "Nasaf"da ikkinchi golida uchinchi zonada to'pni yo'qotdik. Ikkinchi gol o'yin taqdirini hal qildi. "Nasaf" bilan o'yinlarda oddiy elementar xatolar ham qimmatga tushishi mumkin. Kurash davom etadi, chempionat bahslari hali oldinda. Qolgan uchrashuvlar bundan ham qiziqarli va kurashlarga boy bo'ladi deb o'ylayman. Ketma-ket to'rtinchi bor mehmonda o'ynashimiz, bu ruhiy tomondan jamoaga tasir qiladi".
- Sanjar Tursunovni o'yinida qoniqdingizmi?
- Jamoamizda 23 nafar futbolchi bo'lsa, ularning har biridan foydalanishga harakat qilamiz. Futbol jamoaviy o'yin, oldinda boshqa uchrashuvlar ham bor. Kim tayyor bo'lsa o'sha maydonga tushadi
- AGMKda nafaqat kumush medal va chempionlik uchun ham imkoniyat saqlanib qolinmoqda...
- Ha, imkoniyatimiz bor. Mana shunday derbi maqomidagi uchrashuvlarda ochko yo'q yo'qotishga haqqimiz yo'q. Raqobatchilarga ochko ulashmasligimiz kerak, xatolarga yo'l qo'ymasligimiz darkor.
- Erkin Baydullaevning jamoadan ketishini nima bilan izohlaysiz?
- Hech narsa bilan izohlay olmayman. Jamoadan ketishni o'zi so'radi. Futbol jamoaviy o'yin.
- "Nasaf"ning birinchi davradagi o'yini bilan solishtirganda bugun o'sish sezdingizmi?
- Futbol shunaqa narsaki bu raqibning qanday o'yin taklif qilishiga bog'liq. Bugun ikkinchi bo'lim boshidagi o'yinimizni birinchi bo'limda qilganimizda boshqa bo'lishi mumkin edi.
- "Buxoro"ga qarshi o'yindan keyin "Nasaf"ga qarshi olti ochkolik bahs bo'lishini aytgan edingiz. Bugun olti ochko yo'qotdik deb o'ylaysizmi?
- Oradagi farq besh ochkoni tashkil qilardi. Hech bo'lmaganda mag'lubiyatga uchrashimiz kerak emas edi. Lekin, maydonga har doim g'alaba uchun chiqamiz. O'zimiz istamagan holatda mavsumning so'nggi pallasini qiziqarli kechishini saqlab qoldik.
- Bahrom Abdurahimov ikkinchi bo'limda mazmunli o'yin namoyish etdi. Uni dastlabki daqiqalardan tushirishni imkoni bo'lmadimi?
- Mumkin edi, bir tomondan Oybek Bozorov, ikkinchi tomondan Islom Kenjaboev singari tezkor futbolchilar borligi uchun tanyach nuqtasini kuchaytirdik. Agarda yiqilishimni bilganimda tagimga ko'rpacha solib olgan bo'lardim.
Bosh sahifaga
912