"O'yin haqida nima desam bo'ladi, boshida ikkita gol urganimizdan so'ng yigitlar bo'shashishdi. Futbolda har qanday vaziyatga tayyor turish kerak. Ikkita gol urdik degani g'alaba qozonishimizni anglatmasdi. "Zomin" esa o'yinni kuchaytirdi va ikkita to'p kiritdi",- deydi Abdusamad Do'rmonov.
- Jamoa bugun qarshi hujumlarda harakat qildi. Ikkita goldan so'ng esa xotirjamlikka berildi. O'tkazib yuborilgan ikkita golga nimani sabab sifatida ko'rsata olasiz?
- Qaysidir manoda bu ikki gol yordam berdi. Ko'rdinglar, hisob 2:0 paytida yigitlar bo'shashishdi. Birinchisi penaltidan, ikkinchi gol darhaqiqat ajoyib chiqdi. Bunday jamoalar bilan o'yinlar har doim juda qiyin o'tishini yigitlarga tushuntirgan edik.
- 14-turdan so'ng Pro liga bahslari ikki guruhga bo'lingan holda davom ettiriladi. Sizni bunga munosabatingiz qanday?
- Bu qaror boshida qabul qilingan edi. O'tgan mavsumda Pro ligada sakkizta jamoa to'rtta davra o'ynagandi. Pandemiya sabab ko'p narsa o'zgarib ketdi, videokonferenciyada ikki davra o'ynab, to'rttadan ikki guruhga bo'linish taklifi bildirildi. Birinchi minimal vazifa kuchli to'rtlikka kirish edi. Endi to'rtta jamoa ichida yuqori o'rinlar uchun kurashamiz. Bunda har bir uchrashuv final hisoblanadi. Yigitlarga ishonamiz. Mehnat qilgan holda vazifani bajarishga harakat qilamiz.
Bosh sahifaga
223