Bahrom Abdurahimov: “Jarohatim jiddiy emas”

Sababi jamoaning etakchi yarim himoyachilaridan biri Bahrom Abdurahimov shifokorlar yordamida maydonni tark etdi. Bu holat albatta qarshilik futbol muxlislarini xavotirga solgan bor gap. Sababi 5 aprelda “Nasaf” OCHL doirasida Qarshida “Al Jayish”ni qabul qiladi. Bu o'yinda Abdurahimovning yordami jamoaga zarur bo'ladi. O'yindan keyin futbolchi bilan bog'landik.

-Bahrom g'alaba bilan tabriklaymiz. Uchrashuv oxirlarida raqib himoyachisining qo'polligidan so'ng siz shifokorlar yordamida maydonni tark etdingiz? Jarohatingiz jiddiy emasmi?

-Xudoga shukr, jarohatim jiddiy emas ekan. Boshida kuchli og'riq sezildi. Ammo bu ortda qoldi. Men keyingi o'yindayoq maydonga tushishim mumkin.

-“Obod”ga qarshi jamoa oson o'yin o'tkazmadi. Debyutant jamoaga qarshi qiyin bo'lishini bilarmidinglar?

-Albatta. Qiyin bo'lishini sezgandik. Qolaversa, shu kuni yomg'ir yoqqani ham bizga ham, raqibga ham chiroyli o'yin namoyish etish imkonini bermadi.

-Balki to'rt kundan keyin OCHLda muhim o'yin bo'lgani uchun jamoa u qadar jon kuydirib harakat qilmagandir...

-Yo'q. Biz har bir o'yinda bor kuchimiz bilan harakat qilib, ko'proq gollar urishga va muxlislarni xursand qilishga urinamiz.