Video  Anvar Berdiev: "Bu yilgi mavsumda PRO-Ligada o'tkinchi o'yinlar bo'lmaydi"

- Anvar aka, bugungi uchrashuv haqida fikrlaringiz qanday?
- O'yin haqida nima deyish mumkin? Qiziqarli va qiyin uchrashuv bo'ldi. Jamoamiz qaytadan shakllanganida aytib o'tgandim, musobaqada oson uchrashuv bo'lmaydi. Barcha jamoalar har bir ochko uchun jon-jahdi bilan kurash olib borishadi. Bu yilgi mavsumda PRO-Ligada o'tkinchi o'yinlar bo'lmaydi.

Bizga qiyinchilik tug'dirgan yana bir xolat qoldirilgan uchrashuvlar evaziga tig'iz taqvimga duch keldik. Futbolchilarimizga bugun ko'rsatgan o'yinlari minnatdorchilik bildiraman. Ketma-ket ikki mag'lubiyatdan so'ng ruhan tiklanib maydonda o'z o'yinini namoyish etish oson ish emas. SHuni his qilgan xolda yigitlar bilan bugungi bellashuvga tayyorgarlik ko'rdik. Qiyin o'yin bo'ldi, yakunda g'alaba qozondik. "Xorazm" jamoasiga keyingi uchrashuvlarda omad tilayman.

- Hozir musobaqa jadvalida 4-o'rinni egallab turgan "Dinamo" bilan 1 ochkolik farq bor. Nima deb o'ylaysiz, "Istiqlol" yuqori to'rtlikka chiqa oladimi?
- Endi futbolda oldindan biron narsani aytib bo'lmaydi. Imkoniyat bormi, oxirigacha harakat qilamiz, kurashamiz. Yuqori to'rtlikka chiqishimiz raqiblar tomonidan qayd etiladigan natijaga ham bog'liq. Navbatdagi "Oq-tepa"ga qarshi o'yin ham oson o'tmasligi aniq. Bu o'yinga ham astoydil tayyorgarlik ko'ramiz va biz uchun ijobiy natija qayd etishga harakat qilamiz" - deydi "Istiqlol" bosh murabbiyi.