"Kuchli raqibning maydonida g'alaba qozonish hamisha yoqimli. Bugun maydonda ham kurashdik, ham futbol o'ynadik. "Metallurg" jamoasini yaxshi bilar edik, kurashuvchan yaxshi shakllangan jamoa hisoblanadi. Ko'proq uzun paslar bilan qarshi hujumlarda yaxshi o'ynaydi. Biz shunga tayyorlangandik. Himoyada ham tartibli harakat qildik. SHuning evaziga raqibga golli vaziyatlar yaratishiga imkoniyat qoldirmadik. Hujumda o'z vaziyatimizni kutdik va imkoniyatimizdan unumli foydalandik. "Metallurg" o'z uyida ko'p jamoalarni shoshirib qo'ygan holda g'alaba qozongan jamoa edi. SHuningdek raqibimiz boshqa jamoalarga qaraganda jismoniy jihatdan juda yaxshi tayyorgarlikka ega. Yigitlarga ko'proq kurashlarda yutqazmaslikni takidlagandik. Futbolchilarga rahmat aytaman. Muxlislarni g'alaba bilan tabriklayman. Bugun birgalikda g'alaba qozondik", - deydi Ro'ziqul Berdiev.
- Bobir Abdixoliqovning bugun zaxirada qoldirilishi o'tgan uchrashuvlardagi pasayish sababmi yoki taktika bilan bog'liqmi?
- U barcha o'yinlarni to'liq o'tkazmoqda. SHu bois toliqish bor. Bugun zaxiradan maydonga tushdi va o'yin taqdirini hal qildi.
- Dilshod Rahmatullaevni zaxiradan tushayotgani jismoniy holati pastligi sababmi yoki hozirgi tarkibga raqobatda yutqazayotganimi?
- Raqobatda yutqazyapti demagan bo'lardim. Unga imkoniyat bergan uchrashuvlarimizda o'yinidan qoniqish hosil qilganmiz. Qolaversa Akmal Mozgavoy bilan almashgan holda o'ynamoqda. Bugun Akmalga imkoniyat taqdim qildik. Dilshod Rahmatullavni esa o'yinidan ham, biz bilan birga ekanligidan ham qoniqyapmiz.
- Akmal Mozgavoyning holati qanday?
- Jarohatini tekshitirganimizdan so'ng aniqlik kiritamiz. Hozircha muz bog'lab turibdi.
- Hakamning sizga bergan qizil kartochkasiga munosabatingiz? Bu keskin chora emasmidi?
- Qizil kartochka to'g'ri berildi, o'sha vaziyatda o'zimni etika jihatdan noto'g'ri tutdim. Bu holat uchun uzr so'rayman. CHora ko'rilishiga qarshi emasman.
- Bugun jamoa golga qadar yaxshi o'yin ko'rsata olmadi. Aynan goldan keyin jamoaning o'yini ochildi. Bunga nima sabab bo'ldi?
- Bunga sabab taktik tarafdan desam bo'ladi. "Metallurg" jamoasi bizga qaraganda kamroq vaqt dam oldi. Bo'lim oxiriga kelib charchashini biz bilar edik. Ular tetik paytida biz himoyalanishimiz va imkoniyatimizni kutishimiz kerak edi. Ko'rgan bo'lsangiz so'nggi 20 daqiqalikda raqib charchab qoldi.
Bosh sahifaga
270