"Yaxshi o'yin bo'ldi. 75 daqiqa davomida o'yin nazoratini o'z qo'limizda ushlab turdik. Bittagina taktik xato tufayli standartdan gol o'tkazib yubordik. Raqib yaxshi o'ynadi, biz ham taktik tomonlama yaxshi to'p tepdik. Gol o'tkazib yuborilgunga qadar juda xotirjam edim. O'sha vaziyatni tomosha qildim, juda qo'pol xatoga yo'l qo'yilgan, tajribali futbolchilar bunday xatoga yo'l qo'yishga haqqi yo'q. Nima ham deya olardim, "Nasaf"ni tabriklayman. Yaxshi jamoa va yaxshi o'yin namoyish etmoqda.
Bugun zaxiradan maydonga tushganlar o'yinimizni kuchaytira olishmadi. Bobojonovni almashtirganim mening ham xatoim bo'ldi. U juda ham foydali o'ynayotgandi. Yana beshta tur qoldi, futbol o'ynashni davom etamiz", - deydi SHipilov.
- Oxirgi 4-5ta o'yinda "Metallurg" yuta olmayapti. Bunga nima sabab bo'lmoqda...
- Vaziyatlardan foydalana olmayapmiz. "Buxoro" bilan o'yinda juda ko'p vaziyat yaratgandik. Bugun u qadar ko'p imkoniyat yaratmadik, lekin hech bo'lmasa durangga loyiq edik. Buning ustida ko'p ishlayapmiz, balki mashg'ulotlarda vaziyatlarni yakunlash borasida ishlashni to'xtatsak gol urishni boshlarmiz. Balki kimdir futbolda barcha narsaga erishib bo'ldim deb o'ylayotgandir, bu faqat uning shaxsiy fikri va bu xato. Har kuni mashg'ulotda isbotlashing kerak. Mashg'ulotda bor kuching bilan ishlamasang to'p ham darvozaga kirmaydi. Demak, mahalliy yoshlardan top hujumchi izlaymiz.
- Doniyor Narzullaevning harakatlariga qanday baho berasiz? Birinchi taymda ko'p noaniq paslar berdi.
- Ha, buni to'g'ri sezdingiz. Birinchi taymda to'p bilan ko'proq muomala qilishini aytdim. U to'psiz ham foydali o'ynay oladigan futbolchi. Doniyor o'yinimizni susaytirgani yo'q. Barchada pasayish bo'ladi, u birinchi turdan buyon o'ynamoqda va ko'plab golli uzatmalar bergan. Narzullaevning o'yinida u qadar pasayish bo'lgan deb ham aytmagan bo'lardim, bizda butun mavsum davomida "o'rada" yurgan futbolchilar bor.
Bosh sahifaga
569