Sanjar To'raqulov: “Muxlislarimiz borligi – omadimiz”

-   O'yin qiziqarli bo'ldi. Ikkala jamoa ham hujumkor va muxlislarga manzur bo'ladigan o'yin namoyish etishdi. Afsuski butun o'yin davomida yog'ib turgan yomg'ir o'yin sifatiga tasir qildi. “Nasaf” kuchli jamoa, OCHLda ham munosib ishtirok etmoqda. SHunday raqib bilan tengma-teng kurashganimiz – jamoamizning yutug'i. Garchi bugun yutqazgan bo'lsakda, bu o'yin o'z kuchimizga bo'lgan ishonchni oshishiga yordam beradi, deb o'ylayman.

-   Siz asli Qashqadaryo farzandisiz. Tug'ilib o'sgan voha jamoasiga qarshi to'p tepish oson bo'lmasa kerak...
-   Biz professionalmiz. Maydonga tushdikmi, vazifamizni sidqidildan bajarishimiz kerak.

-   Bir vaziyatda sizning zarbangizga biroz aniqlik etishmadi. Bunda maydon holati ham o'z tasirini ko'rsatdimi?
-   Albatta. CHunki yomg'ir natijasida to'p sirpanchiq hamda vazni ham biroz og'irlashgan edi. Doniyor (Hasanov) burchakdan to'pni o'yinga kiritgach, uni himoyachilar qaytardi va to'p oyog'imga kelib tushdi. O'sha vaziyatda nazarimda to'p himoyachining qo'liga tekkandek ko'rindi. Bu penalti degani. Lekin hakam to'p yana burchakdan o'yinga kiritilishini ko'rsatdi.

-   Jamoani qo'llab-quvvatlash uchun poytaxtdam kam sonli bo'lsa-da muxlislar tashrif buyurishdi.
-   Safardagi o'yinlarda muxlislarning kelib qo'llab turishi futbolchilarga qo'shimcha kuch bag'ishlaydi. SHunday muxlislarimizning borligi – bu bizning omadimiz. Kelgusi o'yinlarda ularni g'alabalarimiz bilan quvontirishga harakat qilamiz.