Har yil boshida ulkan maqsadlarni qo'yib, biroq mavsum yarmiga kelganda o'rtamiyonalar orasiga tushib qoladigan "Navbahor" bugun o'z maydonida "Bunyodkor"ni qabul qiladi.
Oxirgi paytlarda "Navbahor"ni omadsizlik tark etmayapti. Xususan bu jamoa Superligada oxirgi 11ta o'yindan beri g'alaba qozongani yo'q. "Bunyodkor"ga kelsak, Vadim Abramov shogirdlari so'nggi 4ta o'yindan uchtasida mag'lubiyatga uchrab, faqat o'tgan turda zafar quchishdi.
"Bunyodkor" Muborakda "Mashal"ni yutib kelganidan so'ng yana ikkita uchrashuvni safarda o'tkazib, har ikkisida mag'lub bo'ldi. "Qaldirg'ochlar" "Qo'qon-1912" va "Lokomotiv" bilan kechgan bellashuvlarda imkoniyatni boy berishdi.
"Navbahor" chempionatda oxirgi g'alabasini 9-turda "Qizilqum" ustidan nishonlagan. O'shanda "lochinlar" 1:0 hisobida zafar quchishgandi. Bugun ham Namanganda qiziqarli to'qnashuv kechishi kutilmoqda. Abramov safardan ijobiy natija bilan qaytib kela oladimi yoki "Navbahor" 11 o'yinlik g'alabasiz seriyasiga barham beradimi? Buni albatta, uchrashuv yakunida bilib olamiz.
 Navbahor | Superliga. 21-tur 27/10/2020, 17:00 - : - Boshlanmadi |  Bunyodkor |
Bosh sahifaga
360