"Haqiqatdan ham bugun qiziq o'yin bo'ldi. Ikki jamoaga ham g'alaba kerak edi, olti ochkolik bahs guvohiga aylandik. Jamoamiz to'pni nazorat qildi va ko'proq hujumlar uyushtirdi. "Andijon" himoyada tartibli o'ynadi. Oxirigacha gol o'tkazmaslikka harakat qildi. Oxirgi uchrashuvlarda hujumga yakuniy nuqtani qo'yishga qiynalmoqdamiz. Qolgan barcha nuqtalarda yaxshi harakat qilyapmiz. "Andijon" ham qiyin vaziyatda, ularga ochko suv va havodek zarur. Ikki jamoa ham yomon o'yin ko'rsatmadi",- deydi Hamid Aktamov.
- Birinchi davrada jamoa og'ir ahvolda edi. Ikkinchi davrada esa bir muncha yaxshilandi. Jamoaga hozirda turnir jadvalida havfli hududdan uzoqda ekanligi hotirjamlik berdimi?
- Hech qanday hotirjamlikka berilganimiz yo'q. Hali oldinda beshta uchrashuv bor. Bu o'yinlarda ham maksimal darajada harakat qilib g'alaba qozonishga harakat qilamiz. Kamchiligimiz gol urolmayapmiz.
- "Qizilqum" bugungi uchrashuvda bir ochko qo'lga kirtidimi yoki ikki ochko yo'qotdimi?
- Menimcha ikki ochko yo'qotdik.
- Oxirgi to'rtta tur markazlashgan holatda neytral maydonda o'tishiga qarshi emasmisiz?
- Rahbariyat nimani lozim topsa biz qo'llab-quvvatlaymiz. Qaerda bo'lsa ham O'zbekistonda o'ynaymiz. Ko'pchilik nimani taklif qilgan bo'lsa shuning tarafdoriman.
- Birinchi bo'limdan so'ng jamoa sardori SHerali Jo'raevni almashtirdingiz...
- SHerali Jo'raevning chiqib ketgani tasir qildi. Boshidan jarohat oldi, hozir kasalxonada.
- Hamidjon Aktamov oxirgi marotaba qachon o'rinbosarlar jamoasining o'yiniga borgan?
- Har doim boraman. Faqat kecha bora olmadim. Jamoaning mashg'uloti bilan o'rinbosarlar jamoasining o'yini bir xil vaqtga qo'yilgan.
- Sizni ko'pchilik menejer sifatida Samvel Babayanga qiyoslashadi. Bunga munosabatingiz qanday?
- Meni Samvel Babayanga emas, uni menga qiyoslashsin. Boshqa gapim yo'q. Men o'zimning ishimni proffessional darajada qilyapman. O'zim to'g'ri yo'ldaman, birovga taqlid qilib ishlamayman.
Bosh sahifaga
246