OCHL-2016 4-tur. “Nasaf” – “Al-Jayish” uchrashuvi hakamlari

Ana shu uchrashuvni boshqarib boradigan hakamlar nomi malum bo'ldi. Uchrashuvni gonkonglik hakamlar guruhi boshqarib boradi, Liu Kvok Man uchrashuv bosh hakami etib tayinlangan, unga qanotlarda hamyurtlari CHoy Xun Kit va CHeng Oy CHolar yordam berishadi. To'rtinchi hakam sifatida yana bir gonkonglik hakam Xo Vay Sing ishlaydi. Hakamlar ishini eronlik mutaxasis Inoyat Masud nazorat qiladi. Uchrashuvda Xuang Sung komissarlik qiladi, Xitoy Xalq Respublikasidan.

OCHL, 4-tur. 05.04.2016.
“Nasaf” (O'zbekiston) – “Al-Jayish” (Qatar) 
“Markaziy” stadion. Soat 18:45da
Bosh hakam: Liu Kvok Man (Gonkong)
Referi assistenti 1: CHoy Xun Kit (Gonkong)
Referi asistenti 2: CHeng Oy CHo (Gonkong)
To'rtinchi hakam: Xo Vay Sing (Gonkong)
Uchrashuv nazoratchisi: Inoyat Masud (Eron)
Uchrashuv komissari: Xuang Sung (Xitoy)

Bosh hakam haqida qisqacha malumot: Liu Kvok Man 1978 yil 1 iyulda tavallud topgan. Bu yil u 38 yoshga to'ladi. 2008 yildan buyon FIFA referisi hisoblanadi. 2012 yildan OCHL o'yinlarini boshqarib keladi.  SHu paytgacha Osiyo chempionlar ligasining 4 mavsumida ishlagan va 7ta o'yinni boshqargan, u boshqargan o'yinlarda 27ta sariq va 2ta qizil kartochka ko'rsatgan.

Ushbu hakam yurtimiz klublaridan OCHLda  faqat  “Bunyodkor” klubi  ishtirokidagi o'yinlarda hakamlik qilgan. Jumladan, 2012 yilgi OCHL musobaqasining nimchorak finali doirasidagi “Seongnam Ilva CHunma” – “Bunyodkor” (0:1) bahsida to'rtinchi hakam, 2 may 2012 yilda  “Adelayde Yunayted” – “Bunyodkor” (0:0) hamda 22 aprel 2015 yili bo'lib o'tgan “Bunyodkor” – “Al-Nasr” (0:1) uchrashuvlarida esa bosh hakam sifatida ishlagan.