Suhrob Berdiev hamda SHohnazar Norbekovlarning salomatligi borasida xavotir olib ko'plab muxlislar hamda OAV xodimlaridan murojaatlar bo'lmoqda. Biz “Qo'qon-1912” jamoasi shifokori Boburxo'ja Abdazovdan futbolchilarning ahvoli qandayligi haqida so'radik.
-AGMK bilan bo'lib o'tgan o'yin biz uchun esdan chiqmaydigan o'yin bo'ldi desam bo'ladi. Sababi ikki nafar futbolchimiz o'yin davomida jiddiy jarohat olib , tez yordam mashinalari xizmatidan ikki marta foydalanishimizga to'g'ri keldi. Norbekov bir sutka davomida Qo'qon shahridagi tez tibbiy yordam markazida shifokorlar nazoratida bo'lib turdi. Kecha Toshkent shahridagi "Respublika tez tibbiy yordam ilmiy markazi"da SHohnazar Norbekov hamda Suhrob Berdievlarni chuqurlashtirilgan tibbiy ko'rikdan o'tkazdik. Tibbiy ko'rik natijalariga ko'ra Norbekovga “peshona suyagi tashqi plastinkasining sinish” tashhisi qo'yildi. Mutaxassis shifokorlar bu vaziyatda bemorning xoxishiga qarab plastik jarrohligi amaliyotini qo'llasa bo'ladi. Agar o'zi istamas operaciyasiz ham davolash mumkinligini takidlashdi. Norbekov jarrohlik amaliyotidan voz kechdi.SHohnazar barcha dori darmonlar bilan taminlanib, uy sharoitida davolash muolajalarini o'tkazadigan bo'ldi. Bizni xursand qilgani SHohnazarning peshona suyagi ichki plastinkasiga zarar etmagan.
Suhrob Berdievga esa “o'ng oyoq kichik boldir pastki 1/3 qismi hamda ichki to'piq suyagining sinishi” tashhisi qo'yildi. Berdievga Qo'qon shahar tez tibbiy yordam markazida dastlabki tekshiruvlar o'tkazilinib, o'sha joynnig o'zida oyog'iga gips bog'lamlari qo'yilgan edi. Futbolchi respublika shoshilinch tibbiyot yordam markazida qayta ko'rikdan o'tkazilgandan so'ng, bu erdagi hamkablarimiz bilan maslahatlashgan holda biroz shoshilmaslikka qaror qildik. Berdiev bir xafta davomida shifokorlar nazoratida bo'lib turadi. Agar singan suyaklar gips yordamida bitishni boshlasa jarrohlik amaliyoti qo'llanilmaydi. Aks holda esa futbolchi jarrohlik stoliga yotishiga to'ri keladi.
Har ikki futbolchilar kamida 30-45 kun oralig'ida davolanishiga to'g'ri keladi.
SHu o'rinda futbol uchrashuvi kuni bizga o'zlarining amaliy yordamlarini bergan AGMK shifokori Islom aka Abaevga hamda Qo'qon shahar tibbiyot birlashmasi shifokorlariga o'z minnatdorchiligimni bildirib o'taman.
Bosh sahifaga
604