"Bugun boshqacha variantda o'ynamoqchi edik, chiziqlar orasidagi kompaktlikni ushlay olmadik. "Paxtakor"ga qarshi bunday o'ynab bo'lmaydi. Ochko ishlashga umid qilgan edik. Yigitlarga etirozim yo'q. "Paxtakor" mahorat bobida kuchli edi. Ammo, bahona qilmoqchi emasman. Uchinchi va to'rtinchi gollarni o'zimizga o'zimiz olib keldik. Individual xatolar pand berdi. Birinchi golni yana ko'rib chiqish kerak, menimcha futbolchi o'yindan tashqari holatda gol urdi",- deydi Vaniev.
- "Mashal" bugun mag'lubiyatga uchragan bo'lsada jamoa o'yinida ijobiy tomonga o'zgarish bor. Bu o'zgarishni qanday izohlay olasiz?
- Yigitlardan hammasini oddiylikdan va boshqatdan boshlashimizni so'radim. Oldimizga g'alaba qozonish vazifasi qo'yildimi himoyada tartibli harakat qilish kerak. SHuningdek sxemada o'zgarish qildik. O'ng qanotda yosh futbolchini tushirdik. To'g'ri taktik jihatdan ayrim xatolarga yo'l qo'ydi. Lekin, o'yini yomon emas. Keyingi uchrashuvlarda tushirishni o'ylab ko'ramiz. O'yinimiz yaxshi, biroq nimadir etishmayapti.
- Jamoaning olti oydan beri maosh olmayotgani haqida gaplar yuribdi. Siz bunga qanday fikr bildirasiz?
- Avval ham aytgandim. Moliyaviy tomondan muammolarimiz bor. Bu borada aniq javob bera olmayman, rahbariyatga murojaat qilganingiz maqul. Futbolchilarni tiklash qiyin. Ular bilan munosabatim yaxshi. Futbolchilarga shunday sharoitda maydonga tushib harakat qilishayotgani uchun rahmat aytaman.
- Bugun maydonda harakat qilgan yosh futbolchi Abdumalik Norqobilovning o'yini haqida nima deya olasiz?
- Yuqorida ham aytib o'tdim. Uni maydonga tushirdim, aynan Masharipovga qarshi qo'ydim. Yomon taassurot qoldirmadi. Mashg'ulotlarda ham yaxshi harakat qilmoqda. "Lokomotiv" bilan uchrashuvda ham imkoniyat berishimiz mumkin. Ifeani va Sirojiddin Qo'ziev diskvalifikaciya sabab qaydnomadan o'rin olmadi. Nikita Pavlenkoda jarohat bor.
Bosh sahifaga
274
