Bugungi kunda yurtimiz futboli ishqibozlari va mutaxassislar orasida SHota Yustinovichni "Paxtakor" darajasidagi murabbiy emas, deydiganlar etarlicha topiladi. Ijtimoiy tarmoqlarda gruziyalik mutaxassis haqida yoziladigan izohlarni o'qib, turk ishqibozlari SHotani o'zgacha qadrlashiga guvoh bo'lasiz. Arveladze bir necha daqiqa avval o'zining Twitter'dagi sahifasiga Muborakning "Mashal" klubi mag'lub etilgani to'g'risida yozib qoldirdi. Eng qizig'i, izoh yozganlar orasida na gruzinlar, na o'zbeklar bor — barchasi turklar.
SHotaning muxlis-u muxlisalari undan tezroq "Trabzonspor"ga qaytishni va jamoani chempion qilishni so'rashmoqda. Umuman olganda, turk ishqibozlari tomonidan bu shakldagi iltimos va o'tinchlar Arveladze manziligi doimiy ravishda yo'llab turiladi. U "Trabzonspor"da futbolchi sifatida 1993-1997 yillarda to'p tepgan. Mazkur jamoada 2015 yilning iyul-noyabr oylarida murabbiy sifatida ishlagan. Transfermarkt malumotlariga ko'ra, mutaxassisning "Paxtakor" bilan amaldagi shartnomasi joriy yilning oxiriga qadar mo'ljallangan. SHundan keyin Arveladze Turkiyaga qaytib, "qoradengiz bo'ronlari"ni boshqarishi mumkin. Yoki aksincha...
Qadrli muxlis, siz bu borada qanday fikrdasiz? Gruziyalik mutaxassisning murabbiylik faoliyatiga qanday baho berasiz?
Bosh sahifaga
202