Tarkibdagi o'zgarishlar, Telles, van de Bek haqida - Sulsher "Leypcig"ga qarshi o'yindan keyin nimalar dedi?

"Avvalo, Aleks Telles koronavirusga chalinganini aytib o'taman. U kasallikni engib chiqqanidan keyin maydonga tushadi.

Bugun Fredning o'yiniga yuqori baho beraman. U maydonda har bir santimetr uchun kurashdi, poziciyalarda raqibga yutqazmadi.

"Leypcig" qarshi-hujumlar taktikasiga o'tib olganidan keyin vaziyatlardan unumli foydalanish va to'pni yo'qotmaslikka etibor qaratdik. Reshford oldimga keldi va o'yinda o'ynashga chanqoqligini aytdi. Bu ham o'ziga foydali bo'ldi.

Donni van de Bek - fantastik futbolchi. Uning to'p bilan birga ishlashini ko'ryapsizmi?! Donni himoyaga qattiq yordam berishdan tashqari, raqiblarini ham yopishni uddalamoqda, ikki tomon - hujum va himoyadagi ko'prik vazifasini o'tay oldi.

O'zgarishlar kerak edi. Yakshanba kuni bizni juda muhim o'yin kutib turibdi. Bunga tayyor bo'lishimiz kerak. Liga o'yinlarida barcha jamoalar tish qaytarib turibdi. Iloji boricha ochko yo'qotmaslik kerak", - dedi Sulsher.