"Asosiysi - jamoa o'yinni o'qimoqda va maydonga tushganda o'zini yo'qotib qo'ymayapti.
Biz "Roma"ga qarshi ajoyib o'yin o'tkazib, ushbu bahsga etib keldik. O'shanda bugungidan ko'ra ko'proq vaziyatni nazorat qilib turgandik. Bugun esa barcha rejalar amalga oshdi.
Meni quvontirayotgan jihat shundaki, futbolchilar o'sishda, raqobatlashishda davom etmoqda. SHu sababdan asosiy tarkibini tanlab olish juda qiyin ish bo'lmoqda.
Biz kuchli jamoa bo'lishni istayapmiz va shunga yarasha yo'l tanlab, unda odimlayapmiz.
Zlatanning bir taym o'ynashini o'yindan oldin bilardi. Bu o'zgarish reja bo'yicha amalga oshirildi. Zlatan - chempion. Uning keyingi o'yinlarda ham tarkibda bo'lishini istaymiz. Oldinda qiyin o'yinlar juda ko'p. Yakshanba kungi bahsda ham Zlatan tarkibdagi balansni ushlab turishi kerak.
Tonali bugungi o'yini orqali oldinga ikki qadam tashladi. U ushbu mavsum boshlanish arafasida jamoaga kelib qo'shildi. Uning rivojlanish bosqichi menga juda ham yoqmoqda. Sandro hujumlarga kreativlik bag'ishlay oladi", - dedi Pioli.
Bosh sahifaga
125