“Bunyodkor” Isfahondagi birinchi mashg'ulotini o'tkazdi

“Qaldirg'ochlar” Isfahon shahrining bosh jamoasi “Sepahon” futbol klubi qarorgohida shug'ullanishdi. Sergey Lushchan boshchiligida olib borilgan tayyorgarlik jarayonida Eronga olib kelingan barcha 19 nafar futbolchi ishtirok etdi. Mashg'ulot tahminan bir yarim soatcha davom etdi.

Futbolchilarning barchasi soppa-sog' va o'yinoldidan jangavor holatda.

4 aprel kuni soat 10:00da jamoalar menejerlari va uchrashuv rasmiylari o'rtasidagi yig'ilish bo'lib o'tadi. O'yinoldi matbuot anjumani esa soat 11:00ga belgilangan.

Eslatib o'tamiz, “Zob-Ahan” – “Bunyodkor” uchrashuvi 5 aprel kuni Isfahondagi “Fuladshahr” stadionida mahalliy vaqt bilan 20:00da (Toshkentda 20:30 bo'ladi) boshlanadi.