"Paxtakor" kuchli jamoa, shunga yarasha bugun beshta himoyachi bilan maydonga tushdik. Gol o'tkazib yuborganimizdan keyin taktikani o'zgartirdik, to'rtta himoyachi bilan o'yinni davom ettirdik. "Paxtakor"ning har bir zarbasi gol bilan yakunlandi, bu erda darvozabonni ham ayblash qiyin. Ular bilan ochiq futbol o'ynab bo'lmaydi. Bugun chiroyli o'yin ko'rsatish va g'alaba qozonish uchun harakat qilgandik. Ammo, o'xshamadi. Raqibni g'alaba bilan tabriklayman",- deydi Hikmat Ergashev.
- Jamoa birinchi davrada 2:2 hisobida durang o'ynagan edi. O'shanda to'rtta himoyachi bilan o'ynagandi. Bilishimiz bo'yicha AGMK bu yil ilk bor beshta himoyachi taktikasida harakat qildi. O'tgan mavsumda jamoa "Paxtakor"ga qarshi ikkita kubok finalida beshta himoyachi bilan o'ynash natijasida yirik hisobda mag'lub bo'lgan edi. "Paxtakor" bilan o'yinda himoyaviy o'yindan ko'ra hujumkor o'ynagan samaraliroq emasmi?
- Yana qaytaraman, "Paxtakor"ga qarshi ochiq futbol ko'rsatib bo'lmaydi. Raqib safida O'zbekistonning eng yaxshi futbolchilari yig'ilgan. Beshta himoyaini tushurishimizni sababi qarshi hujumda harakat qilish.
- Darvozabon yarim jamoa hisoblanishini bilamiz. AGMKda asosiy darvozabon yo'qdek taassurot qoldirmoqda. Bir o'yinda Suhrob Sultonov, yana bir o'yinda Valijon Rahimov darvozani qo'riqlamoqda. Keyingi mavsumda darvozabon masalasini ko'rib chiqish rejada bormi? Yoki shu ikki posbonga ishonishda davom etiladimi?
- Avval bu mavsumni tugatib olaylik. Keyingi mavsum haqida yig'inlarda ko'rib xulosa qilamiz.
- Jamoaning ichki muhiti qanday? Oxirgi uchta uchrashuvda uchta mag'lubiyat, o'yinlarda futbolchilar bir-biriga ishonmayotgani sezilib qolmoqda...
- Ichki muhit yaxshi. Nima desam bo'ladi, jamoa to'rtta o'yinni safarda o'tkazdi, ikkitasida g'alaba qozondik. Ijobiy natija qayd etmoqchi edik, o'xshamadi.
Bosh sahifaga
221
