Abdurashid Ismoilov: “Ikkinchi bo'limda o'yinimizda ijobiy tomonga o'zgarish yuz berdi”

Uchrashuvdan so'ng mezbonlar ustozi Abdurashid Ismoilov o'z fikrlarini bildirib o'tdi.  

- Uchrashuv haqida nima deyish mumkin? CHempionat o'yini bo'lgani sababli qandedir hayajon sezildi. Birinchi bo'limda yigitlar pas o'ynashda xatolarga yo'l qo'ydi. Hisobni ochib olganimizdan so'ng futbolchilarim ruhiy tomondan o'zlarini tiklab olib, hujumkor o'yin ko'rsata boshladi. 

- Tanaffus paytida shogirdlarim bilan o'zaro suhbatlashib, kerakli ko'rsatmalarni berdik. SHu bois ikkinchi bo'limda ijobiy tomonga o'zgarish kuzatildi. Umuman olganda o'yindan ko'nglim to'ldi. Ikki kundan so'ng “Nasaf-2” bilan o'ynaymiz. Bo'lajak bahsda ham muxlislarni ishonchini qozonishga xarakat qilamiz. Umid qilamanki o'yindan-o'yinga yigitlarda o'sish bo'ladi va yaxshi natijalarga erishishga urinamiz. 

- Bugungi uchrashuvni Zokirjon Nurmatov, Jahongir Dadaboev, Islom Karimov kabi o'yinchilar o'tkazib yubordi. Dadaboev “Lokomotiv” bilan Kubok bahsida jaroxat olib, safdan chiqqandi. Karimov esa betob bo'lib qoldi. Ushbu sabablarga ko'ra bu futbolchilar bugungi o'yinda jamoaga yordam bera olmadi. 

- Nasib qilsa keyingi o'yindan Akmal Jo'raboev va Islom Karimov jamoaga yordam bera boshlaydi - deydi Abdurashid Muxtarovich.

Islombek Rustambekov.