- O'yin juda tez o'tib ketdi. Umuman olganda bahs jangovar o'tdi. Ikki tomon ham ochkolar uchun kurashdi. Ayni damda ochkolar juda kerak. Birinchi bo'limda teng o'yin bo'ldi, ikkinchi taymda esa raqibdan biroz ustunroq bo'ldik. "Mashal" himoyadan chiqib, qarshi hujumlarga o'tishda yaxshi o'ynadi. Ular asosan to'pni oldinga tepib yuborishaverdi. Biz esa vaziyatlar yaratishga harakat qildik, biroq gol ura olmadik. O'yin teng o'tdi desak bo'ladi, lekin kichik ustunlik bizning tomonimizda edi.
- "Lokomotiv"ning ayni damda qayd etayotgan natijalarini uyatli deb hisoblaysizmi?
- Oldin ham aytganimdek, tarkibning katta qismi jamoadan ketdi. Endi esa yoshlarga etibor qaratyapmiz. Albatta, natijalar klubning darajasiga mos emas. Barchasi tez amalga oshmaydi, sekin-sekin, vaqt o'tgan sari yaxshilanib boradi. Yoshlarimiz ko'p, ularni birlashtirib, yangi jamoa tuzish uchun vaqt talab etiladi.
- "Lokomotiv" tarkibida "Mashal"ning 6 nafar futbolchisi harakat qildi. Ularning o'yinidan qoniqdingizmi?
- "Mashal"ning akademiyasi yaxshi ishlaydi. Ulardan doimo o'rnak olib ishlash kerak. O'zbek futboliga ko'plab iqtidorlarni etkazib bergan "Mashal" akademiyasiga minnatdorlik bildiraman. Agarda chempionatdagi jamoalarga etibor qaratsak, deyarli barcha jamoalar tarkibida "Mashal" tarbiyalanuvchilari harakat qiladi. Akademiyaning keyingi faoliyatiga omad tilayman.
- Agarda "Mashal"dan taklif tushsa, rozilik berasizmi?
- (kuladi) Hozirda etiborim "Lokomotiv"ga qaratilgan, boshqa narsaga chalg'imoqchi emasman.
Bosh sahifaga
668