Sergey Lushan: "Hujum qilish va g'alaba qozonishimiz shart"

- Eronliklarga mehmondo'stlik uchun rahmat aytaman. O'yinda hujum qilish va g'alaba qozonishimiz shart. Musobaqa jadvali shunga majbur qiladi. Umid qilamanki, o'z o'yinimizni ko'rsatib “Zob Ahan” himoyasini yorib o'tamiz. Har bir o'yinda 3-4ta golli vaziyat yaratayapmiz. Ertaga ham shunday bo'lishiga umid qilaman. Agar ulardan foydalana olsak barchasi yaxshi bo'ladi. Guruhda hozircha “Zob Ahan” va “Al Nassr”ning imkoniyatlari yaxshiroq. Biroq ertaga ko'p narsa o'zgarib ketishi mumkin. G'alaba uchun kurashamiz va guruhdan chiqish uchun bor kuchimizni ishga solamiz, - deydi Sergey Lushan.

- Bizni juda yaxshi kutib olishdi, barchaga rahmat aytaman. Ertaga oson bo'lmagan o'yin kutib turibdi. Toshkentda ham ikkala jamoa g'alaba uchun o'ynashgandi. Hujum qilishga majburmiz. Bundan tashqari himoyada ham tartibli o'ynashimiz shart. Ayni paytda muxlislarimiz bizdan xafa. Ularni xursand qilish uchun g'alaba qozonishimiz kerak, - deydi Rustam Ashurmatov.