Ushbu uchrashuvdan so'ng mezbonlar yarim himoyachisi Javohir Qahramonovni fikrlari bilan qiziqdik.
"Metallurg" yaxshi jamoa. Ular bizga qarshi munosib va etarlicha tayyorgarlik ko'rgani o'yin davomida bilinib turdi. Umuman olganda ikki jamoa ham yaxshi o'yin o'tkazdi degan bo'lardim. Gol urish uchun etarlicha vaziyatlarga ega bo'ldik. Ammo, samara chiqara olmadik. Nima ham derdim bu futbol, raqibga navbatdagi uchrashuvlarda omad tilab qolaman. O'z o'rnida biz ham g'alaba qozonib muxlislarni xursand qilishga harakat qilamiz",- deydi Javohir Qahramonov.
- "So'g'diyona"da nazariy jihatdan beshinchi o'rinni egallash uchun imkoniyat saqlanib qolindi...
- Ha, oldinda yana to'rtta tur kutmoqda. Mana shu uchrashuvlarda kerakli ochkolarni jamg'arib mavsumni kuchli beshlikda yakunlashga intilamiz. Har bir o'yinda g'alaba uchun maydonga chiqamiz.
- Jamoa o'tgan mavsumda to'rtinchi o'rinni olgani sababli bu yil muxlislar yanada ko'prog'ini kutishgan edi...
- To'g'ri, ushbu mavsumda juda ko'p ochkolarni yo'qotdik. Futbolda hamma narsa ro'y berishi mumkin. "Metallurg" bilan o'yinda bizni qo'llab-quvvatlashgani uchun ularga rahmat aytib qolaman.
Bosh sahifaga
511