Asqar Umarov: "Raqibni jiddiy o'rgangandik"

O'yindan so'ng mehmonlar bosh murabbiyi Asqar Umarovning fikrlari bilan qiziqdik.

- Aytish kerak, uchrashuvga ko'ngildagidek tayyorgarlik ko'rgandik. Klubimiz rahbarlari bellashuvga munosib tayyorgarlik ko'rishimiz uchun bizga barcha sharoitlarni yaratib berdi. Farg'onaga o'yindan ikki kun avval etib kelgandik. Natijasini ko'rib turibsiz. G'alabada jismoniy holatimiz yaxshi ekanligi ham muhim o'rin tutdi. Asosiysi, futbolchilar maydonga tushganidan keyin biz bergan ko'rsatmalarni to'liq bajarishdi.

Umumiy manoda o'yin yaxshi o'tdi. Yozyovonga g'alaba uchun kelgandik. CHunki raqibni etarlicha o'rgangandik. Kamchiliklarini bilardik. Yakunda maqsadimizga erishdik. Qolaversa, kechagi o'yinda ob-havo ham futbol o'ynashga qulay bo'ldi.

Kelasi turda "Cementchi"ga qarshi maydonga chiqamiz. Albatta, raqib kuchli. Ular birinchi turda "Dinamo"ni mag'lub etishdi, ammo biz ham maydonga shunchaki chiqmaymiz. Faqat g'alaba uchun harakat qilamiz. Quvasoydagi o'yinda ham jamoam uch ochkoni qo'lga kiritishini kutyapman.