Aktam Berdiev: "Yirik mag'lubiyat navbatdagi uchrashuvga tasir o'tkazmaydi"

Birinchi turda "Mashal-2" yirik 0:3 hisobida imkoniyatni boy berib qo'ygani haqida xabar bergan edik. Ushbu o'yindan so'ng jamoa murabbiyi Aktam Berdiev o'yin haqida fikrlarini bildirib o'tdi.

"Hali mavsum oldinda va biz tarkibdagi futbolchilarga ishonamiz. Kecha qiyin o'yin bo'ldi. Raqib haqiqatdan ham kuchli. "Mashal-2" uchun chempionatdagi birinchi bahs bo'lgani bois hayajon sezildi. Raqibimiz ham mahoratli edi. Kubok bahslarida maydonga tushgan edik lekin buni chempionat bilan solishtirib bo'lmaydi", - deydi Aktam Berdiev

"Asosiy tarkibga futbolchi etishtirib berish uchun qo'limizdan kelgan mehnatni qilamiz. Xatolarni ko'rib chiqamiz va ular ustida qayta ishlaymiz. Yaxshiroq natijaga erishish uchun harakatni susaytirmaymiz. Kecha qabul qilib olingan yirik mag'lubiyat keyingi bahsga tasir o'tkazmaydi. "Norin" bilan o'yinga g'alaba uchun chiqamiz. Hozir navbatdagi uchrashuvga tayyorgarlikni boshladik. Tayyorgarligimiz Andijonda bo'lib o'tmoqda".