Mazkur uchrashuvda mezbonlarning ikki goliga Nurillo To'xtasinov mualliflik qildi va bahs qahramoni bo'ldi. O'yindan so'ng yarim himoyachiga bir nechta savollar bilan yuzlandik.
- G'alaba bilan tabriklaymiz. Uchrashuvdan oldin aksariyat futbol ishqibozlari "Paxtakor"ning imkoniyatlarini yuqori baholagan edi. Ammo, "Bunyodkor" bu taxminlarni yo'qqa chiqardi va kuchli raqib ustidan g'alaba qozondi...
- Tabrik uchun rahmat. "Paxtakor"ga qarshi uchrashuvga munosib tayyorgarlik ko'rdik. Vadim Abramov bizga o'zimizning o'yinni o'ynasak va o'z kuchimizga ishonsak g'alaba qozonishimiz , biz bu jamoani o'tgan yili ham yutganmiz bu yil ham yutishimiz mumkinligini takidladi.
- Bu yil o'yiningizda katta o'sish kuzatildi. Uzoq masofadan ajoyib gollar urmoqdasiz. Bularning bari mashg'ulotlar samarasimi?
- Albatta, mashg'ulotlarda ham uzoq masofadan ko'p zarba berish ustida ishlaymiz. Qaysidir manoda murabbiyimizning ko'rsatmasi sabab deyishim ham mumkin. Ko'proq markazda harakat qilib zarba yo'llashimni talab qiladilar.
- "Bunyodkor" joriy mavsumda etakchi jamoalarga qarshi ikki hissa kuch bilan to'p tepayotganini ko'rmoqdamiz...
- Vadim Karlenovich "Paxtakor" bizning maydondan chempion sifatida chiqib ketmasligini tushuntirdi. Jamoadagi barcha futbolchilar bor kuchi bilan to'p tepdi.
- Jamoada nazariy jihatdan sovrinli o'rinlar uchun imkoniyat saqlanib qolingan. SHuningdek O'zbekiston kubogi ham oldinda kutib turibdi...
- Xudo xohlasa O'zbekiston kubogida yaxshi natija qayd etishga harakat qilamiz.
- Kecha uchrashuvda futbol muhitini yaratishda muxlislar ham katta hissa qo'shishdi. Menimcha, bu yil "Bunyodkor" stadionida bunday hissiyotlar, vaziyatlarga boy o'yin hali bo'lmagan edi...
- Ha, muxlislarimizga shunchalik kelib bizni qo'llab-quvvatlashgani uchun raxmat aytib qolaman.
Abdulaziz Iskandarov suhbatlashdi.
Bosh sahifaga
512