Tajribali yarim himoyachi MTJga chaqiruv, Koreya chempionatidagi faoliyati va bo'lajak o'rtoqlik uchrashuvlari haqida O'FA matbuot xizmatiga intervyu berdi.
"O'tgan yiginga taklif kela olmaganimni sababi klubim bilan bog'liq. Koreyada chempionat o'yinlari davom etayotgan edi, u erda shunday qoida bor mamlakatdan tashqariga chiqsangiz qaytib kelib o'n to'rt kun karantinda o'tirishingiz kerak. Baribir odam bundan ranjiydi. CHunki, milliy terma jamoaga kelish har doim yoqimli. Hozirda Janubiy Koreyada ichki chempionat bahslari yakunlandi. O'z yurtimga qaytib terma jamoa safiga qo'shilganimdan xursandman. Qisqa vaqt ichida mashg'ulotlar orqali sport formamizni tiklab olishga harakat qilamiz. Koreyadagi faoliyatim yaxshi kechmoqda. Boshida ko'nikishga 1-2 oy vaqt kerak bo'ldi. Jamoa rahbarlari, murabbiylar yaxshi qabul qildi. Yaxshi chiqishib ketdim. Barcha sharoitlar yaratilgan. Oldindagi uchrashuvlarda birdamlik bilan chiroyli o'yin ko'rsatishga va muxlislarni xursand qilishga harakat qilamiz. Har bir o'yinda g'alaba qozonish uchun o'ynaymiz", - deydi Jamshid Iskanderov.
Bosh sahifaga
168