Ushbu o'yindan so'ng "Neftchi"ning iqtidorli yosh futbolchisi SHodiyor Hojimatov fikrlari bilan o'rtoqlashdi.
"Bu mavsum "SHo'rtan"ga qarshi uch marotaba maydonga chiqqan bo'lsak barchasida mag'lub bo'lgan edik. SHuning uchun G'uzorga yaxshi tayyorgarlik bilan kelgandik. Jamoamizda xohish ham yuqori bo'ldi. Xudoga shukur yuzimiz yorug' bo'ldi. "SHo'rtan" Pro ligada yaxshi shakllangan jamoa hisoblanadi. Ular ham bizga qarshi munosib harakat qilishdi va qarshilik tug'dirishdi.
Ha, to'g'ri jamoamiz avvalgi yillarga qaraganda yoshargan. "Neftchi"da to'p tepish doim masuliyat va bosim yuklaydi. Bunga yarasha harakat qilmoqdamiz. Masuliyatni kattaligi bir tomondan yoqimli. Buyog'iga har bir o'yin olti ochkolik hisoblanadi. Natija uchun o'ynaymiz, chunki natija doim birinchi o'rinda turadi.
Butun farg'onalik muxlislar jamoamizni Superligaga qaytishini istaydi. Biz ham o'z o'rnida "Neftchi"ni elitaga qaytarishga qo'limizdan kelganicha harakat qilamiz",- deydi SHodiyor Hojimatov.
Bosh sahifaga
942