Dramatik tarzda o'tgan "Der-Klasiker"da "Bavariya" "Borussiya"ni irodali tarzda mag'lub etdi

63. Reyna! "Borussiya"ning yosh o'yinchisi Sarrning qo'pol xatosidan so'ng qulay vaziyatga chiqib ketdi, ammo vaziyatdan foydalana olmadi.

60. "Arilar"da o'zgarish: Bellingem Dileynini almashtirdi.

57. Ha, "Bavariya" hisobni ishonchli ko'rinishga olib kelish harakatida, "Borussiya" esa qarshi hujum orqali hisobni tenglashtirmoqchi.

53. Yana "Bavariya" ijrosida xavfli vaziyat! Bu safar Komanning pasi zarbaga aylanib, xavfli ko'rinish hosil qildi va Byurki qiyinchilik bilan zarbani bartaraf etdi.

51. Koman! Franciyalik futbolchining jarima maydonchasi tashqarisidan bergan zarbasi darvoza ustuniga tegib qaytdi.

48. GOOOOOL! Levandovski biroz oldingi vaziyat uchun dortmundliklarni jazoladi. Polshalik hujumchi bosh bilan raqib darvozasiga to'pni joylab qo'ydi.

47. Xavfli vaziyat!!! Erling Xoland ko'plab sheriklari ochilayotganini ko'rib jarima maydonchasi ichida to'pni ularga oshirdi, ammo sheriklari uning pasiga ulgurishmadi. Dortmundliklar hisobda oldinga chiqib olishlari mumkin edi.

46. Ikkinchi bo'lim boshlandi.

BIRINCHI BO'LIM YAKUNLANDI

45+4. GOOOOOOOL! Super! "Bavariya" jarima to'pini ajoyib tarzda amalga oshirdi. Gol muallifi - Alaba!

45+2. Xummels Gnabriga ishlatgan qo'polligi uchun sariq kartochka oldi.

45. Hakam birinchi bo'limga 3 daqiqa qo'shib berdi.

45. GOOOOOOL! Marko Roys qanotdan uzatilgan to'pni Noyer darvozasiga aniq yo'lladi va hisobni ochdi.

41. Vitsel! Qanotdan uzatilgan to'pga Ernandes boshi bilan zarba bera olmadi va to'p Akselga kelib tushgandi, ammo uning zarbasi noaniq chiqdi.

40. O'yin sal sekinlashgandek, ammo ustunlik to'liq bir jamoaning qo'lida deb ayta olmaymiz.

36. Majburiy o'zgarish: Tolisso jarohat olgan Kimmixni almashtirdi.

36. Joshua Kimmix Erling Xoland qarshi hujumga qochayotganda qo'pollik bilan to'xtatib qolishga uringandi. Hakam esa kech bo'lsa ham Kimmixga sariq kartochka ko'rsatdi. Ammo, u jiddiy jarohat olganga o'xshamoqda va katta ehtimol bilan o'yinni davom ettira olmaydi.

32. "Borussiya" ham hujumlar uyushtirishga urinmoqda va "sariq-qoralar"ning ham harakatlari yomon emas.

29. Ha, "Bavariya" endi dortmundliklarni o'z jarima maydonchasiga "qamab qo'yib" "hujumlar yomg'iri"ni yog'dirmoqda.

26. Yo'q, VAR offsayd borligini qayd etdi va golni bekor qildi.

24. GOOOOOLL!! Gnabrining ajoyib pasidan so'ng Levandovski raqib darvozasini ishg'ol qilmoqda. Super hujum

21. Xoland! Norvegiyalik to'purar Noyer bilan birga-bir vaziyatga chiqib bordi, ammo uning bergan zarbasiga aniqlik etishmadi.

18. "Bavariya" hozircha to'pga egalik qilish bo'yicha ham, zarbalar bo'yicha ham kichik ustunlikka ega.

14. Xavfli vaziyat! Goreckaning bosh bilan bergan zarbasini Byurki bartaraf etdi.

11. O'yin biroz sokinlashgandek bo'lmoqda. Ammo, o'yinda "Bavariya" birinchi raqam bo'lib o'ynashgan harakat qilayotgani sezilmoqda.

7. Hozircha ochiq o'yin guvohiga aylanyapmiz. Jamoalar navbati bilan xavfli vaziyatlarni yuzaga keltirishmoqda.

3. "Borussiya" ham qulay vaziyatga ega bo'lgandi. Erling Xoland jarima maydonchasiga kirgan holda sherigiga to'pni uzatishga harakat qildi, ammo to'pni oxir-oqibat Noyer egallaboldi.

1. Levandovskiii!! Polshalik hujumchi jarima maydonchasi ichida qulay vaziyatga ega bo'lgandi, ammo zarba noaniq ketdi.

1. O'yin boshlandi.

- Hayrli kech! Barchangizni tez orada boshlanadigan "Der-Klasiker"ga taklif qilamiz va bu o'yinni siz bilan birgalikda kuzatib boramiz.