"Lacio" "Yuventus" bilan durang o'ynadi
Har ikki jamoa ham CHempionlar Ligasida yomon ishtirok etishmadi, endi esa ichki chempionatda yuqoriroq o'ringa ko'tarilishni rejalashtirishmoqda. "Yuventus" o'yinni faol boshladi, avvvaliga Rabo uzoqdan bergan zarbasini Reyna qaytara oldi, keyin esa Kuadradoning uzatmasidan so'ng Ronaldu gol urishga erishdi. "Lacio" hujumga o'tdi, ammo Korreaning zarbasi unchalik xavfli chiqmadi. Aksincha, "Yuventus" futbolchilarining harakatlari ancha xavfli edi. Krishtianu Ronaldu dastlab uzoqdan bergan zarbasi biroz noaniq ketdi, keyin esa jarima maydonidan tepgan to'pi ustunga tegdi. Birinchi taym oxirlarida Milinkovich-Savich jarima maydoniga ajoyib tarzda to'pni etkazib berdi, lekin to'pga etib kelishga hech kim ulgurmadi. Immobilening yo'qligi yaqqol sezilardi.
Tanaffusdan keyin o'yin jarayoni biroz o'zgardi, ammo bir jamoa ikkinchisidan kuchliroq bo'ldi deb bo'lmaydi. "Yuventus" kombinaciyalarni yakunlashda omadi chopmadi, "Lacio" esa zarba berishi uchun biroz kuchi etishmadi. SHunday pallada bahs mehmonlar foydasiga hal bo'ladigandek ko'ringandi, biroq so'nggi vaqtlar "burgutlar"ni bekorga xavfli jamoalardan biri deyishmayapti. "Lacio" buni yana bir bor isbotlab qo'ydi. 90+5da Korreaning uzatmasini Kaysedo to'pni uzoq pastki burchakka joylab qo'ydi. Bu Felipening ushbu haftada jamoani mag'lubiyatdan qutqarib qolgan ikkinchi goli. Yana u bu safar ham zaxiradan maydonga tushgandi. "Yuventus" yo'qotilgan ochko uchun xafa bo'lishi mumkin, lekin aslida natija adolatli bo'ldi.
"Atalanta" va "Inter" durang qayd etdi
Bu uchrashuvdan ko'p narsa kutishgan edi, ayniqsa, ularning CHempionlar Ligasidagi mag'lubiyatidan so'ng. Birinchi taymda etarlicha bosim bo'ldi. Xavfli vaziyatlardan Bastonining havodan etkazib bergan to'piga Vidal bergan zarbani eslash mumkin. Qolgan voqealar 2-taymda sodir bo'ldi.
Tanaffusdan keyin urilgan gol o'yinni jonlantirdi. Vidal to'pni havodan ajoyib tarzda Yangga etkazib berdi. Angliyalik futbolchi Xateburni aldab o'tib, to'pni Lautaroga oshirdi. U esa boshi bilan to'pni darvozaga joylab qo'ydi. Argentinalik hamma tomonlama yaxshi o'yin namoyish etdi. Biroz vaqt o'tgach, Vidal darvozabon bilan to'qnash keldi, ammo na Barella va na chililik raqib posboni Sportelloni alday olmadi. SHundan so'ng "Atalanta" xavfliroq o'ynay boshladi. Miranchuk maydonga tushgani ham bunga tasir qildi. Aleksey avvaliga, Sapata biroz ulgurmagan bo'lsa-da, unga to'pni yaxshi oshirib bergandi. Biroq keyin o'zi Murieldan to'pni qabul qilib oldi va himoyachilarni aldab o'tib, raqib darvozasini ishg'ol etdi. Bu uning A Seriyadagi ilk goli. Qolgan vaqt ichida biror jamoa g'alabani ilib ketishi mumkin edi, ammo tablodagi raqamlar o'zgarmadi.
"Roma" "Jenoa"dan kuchliroq chiqdi
"Grifonlar"ning tarkib bilan muammosi hamon to'liq hal etilmadi, shu sababli bosh murabbiy Rolando Maranning tanlash imkoniyati chegaralangandi. "Roma"ning esa hamma ishlari joyida va aynan mehmonlar o'yinni faol boshlab berishdi. Genrix Mxitaryan bahs startida kuchli zarba bilan darvoza to'siniga tepdi. SHu zarbadan so'ng rimliklar biroz tinchlandi va taym so'ngida Veretuning burchakdan bergan zarbasini Mxitaryan boshi bilan darvozaga joylab qo'ydi.
"Roma" hujum qilishda davom etdi. Ammo tanaffusdan so'ng mezbonlar hisobni tenglashtirishdi. Janluka Skamakka chiroyli tarzda to'pni Pyacaga etkazib berdi, xorvat esa Fasioni aldab o'tib, gol urishga muvaffaq bo'ldi. Keyingi hujumda Skamakkaning o'zi darvozani ishg'ol qilishi mumkin edi, ammo unning zarbasi darvoza ustuniga tegdi. Asta-sekin "Roma" tashabbusni o'z qo'liga oldi va yana etibor markazida Mxitaryan bo'ldi. Bruno Peresning pasidan so'ng Mxitaryan ochildi va gol urishga erishdi. "Jenoa" esa o'zini yo'qotib qo'ydi, "Roma" yanada olg'a qadam tashlardi. Kristante raqib posboni Perrin darvzasini ishg'ol qilmoqchi bo'ldi, lekin mo'ljalda biroz adashdi. Ammo o'yin oxirlarida Pedro Rodriges havodan ajoyib tarzda Genrix Mxitaryanga to'pni etkazib berdi. Yarim himoyachi imkoniyatidan unumli foydalanib, "jalorossi"dagi ilk xet-trikini qayd etdi.
"Milan" durang o'ynadi
"Rossoneri" durang o'ynagan bo'lsa-da, A Seriyadagi 1-o'rnini saqlab qoldi. "Verona" ham hozir oddiy jamoa emas, Yurich shogirdlari ularni hurmat qilishlari kerak ekanini allaqachon isbotlab qo'yishgan. Birinchi hujumdayoq Kalinich gol urishi mumkin edi, lekin Donnarumma bunga yo'l qo'ymadi. Ammo ko'p o'tmay, "Verona" baribir niyatiga etdi. Barak 6-daqiqada hisobni ochdi. "Milan" sarosimaga tushib qolganga o'xshadi, "Verona" esa bundan unumli foydalandi.Bir necha daqiqadan so'ng Dzakkani havodan zarba berdi, yo'l-yo'lakay Kalabriyaga tekkan to'p esa yo'nalishini o'zgartirdi va darvoza to'riga borib tushdi. SHundan keyin "Milan" uyg'ondi, Salemarkes jarima zarbasidan to'pni Kessie etkazib berdi, yarim himoyachidan o'tgan to'pni esa Manyanini beo'xshov harakat bilan o'z darvozasiga to'g'rilab yubordi. Tanaffusgacha boshqa qiziqarli hodisalar bo'lmadi.
"Milan" bosim o'tkazib, vaziyatlar yaratishga harakat qildi va natijada penalti tepish huquqiga ega bo'ldi. Zlatan to'p yoniga keldi, lekin gol urolmadi, to'p darvoza tepasidan o'tib ketdi. Bu "rossoneri"ga yanada kuchli tasir qilib, kuchliroq bosim o'tkaza boshlashdi. Va oxir-oqibat gol urishga muvaffaq bo'lishdi. Kalabriya raqib darvozasiga gol urdi, lekin bungacha Zlatan qo'l bilan o'ynagani uchun gol hisobga olinmadi. Ammo "Milan" baribir ijobiy natijaga erisha oldi. Silvestri kuchli tarzda Ibragimovichga to'p oshirayotgandi, ammo to'p Braim Diasga kelib tushdi. Transfer huquqi "Real"ga tegishli futbolchi ham ko'p kutib o'tirmay, to'pni darhol Zlatanga oshirdi. SHved esa o'yinning so'nggi daqiqalarida boshi bilan raqib darvozasini ishg'ol etdi.
"Kalyari" "Sampdoriya"dan kuchliroq chiqdi
Sardiniyada bo'lgan uchrashuv Joao Pedro "yiqilayotib" boshi bilan bergan chiroyli zarbasi bilan boshlandi, ammo to'p darvoza to'siniga tegdi. Mezbonlar zudlik bilan ustun ekanliklarini ko'rsatib qo'yishdi, ayniqsa, Jovanni Simeone jarima maydonchasiga yaqinlashganda Tomazzo Audjello tomonidan yiqitildi. Fol uchun mehmonlar himoyachisi o'yindan chetlatildi. Tanaffusgacha xavfli vaziyatlar bo'lmadi, ammo keyin bahs jiddiy ravishda qizib ketdi.
Bo'lim boshida Joao Pedro jarima maydoni ichida yiqitildi va jabrlanuvchining o'zi penaltini muvaffaqiyatli amalga oshirdi. "Kalyari" maydonning har bir qismida tezroq harakat qildi, "Sampdoriya"ning esa xuddi tezligi o'chirib qo'yilganga o'xshardi. Natijada, Simeonening uzatmasini Naytan Nandes qabul qilib oldi va gol urdi. Qolgan vaqt ichida "Kalyari" yana gol urdi, biroq gol hisoblanmadi. "Sampdoriya" mavsumdagi eng yomon o'yinini o'tkazdi desak mubolag'a bo'lmaydi.
SHuningdek, "Napoli" "Bolonya"ni mag'lub etdi, "Sassuolo" va "Udineze" durang o'ynadi, "Fiorentina" va "Parma" ham durang natija qayd etishdi.
Sergey Rumyancev
Nozima Zaripova tarjimasi
Bosh sahifaga
233