Odil Ahmedov "Kulichki" ramziy terma jamoasida

Odil Ahmedov to'p tepuvchi "Krasnodar" klubi chempionatning 22-turida "Dinamo" mehmoni bo'ldi va "buqalar" Moskva jamoasini 4:1 hisobida mag'lub etdi. Ushbu bahsda hamyurtimiz Fyodor Smolov golida assistentlik vazifasini bajardi va o'z hisobiga gol yozib qo'ydi.

"Kulichki" Odil Ahmedovga quyidagicha tarif berdi:

"Krasnodardagi o'zbek legioneri hujum tashkil qilishda yaxshi harakat qilmoqda. "Dinamo"ga qarshi bahsda "buqalar"ning barcha hujumi Odil orqali tashkil etildi, uchrashuv oxirida esa u tabloga nomini yozdirib qo'ydi. Avvaliga to'pni o'zi bilan raqib jarima maydonchasiga olib kirgan Ahmedov, Smolovga golli pas berdi, keyin esa u o'yinga nuqta qo'ydi. Ushbu gol yarim himoyachining mahorati evaziga urildi - zarba beraman deb bir himoyachidan qutilgan Ahmedov, jarima maydonchasi chizig'i ustidan to'pni darvozaning uzoq burchagiga pastlatib joylab qo'ydi".

Ramziy terma jamoa:

Darvozabon: Aleksandr Belenov ("Kuban")

Himoyachilar: Bogdan Butko ("Amkar"), Bashtush ("Rostov"), Nikolas Lomberts ("Zenit"), Fedor Kudryashov ("Rostov")

Yarim himoyachilar:  Xalk ("Zenit"), Kristian Noboa ("Rostov"), Odil Ahmedov ("Krasnodar"), George Grozav ("Terek")

Hujumchilar: Fyodor Smolov ("Krasnodar"), Sergey Kornilenko ("Krylya Sovetov")