Qiziqarli kechgan bahsda Madibek Badalov boshchiligidagi "Denov" futbol klubi g'alaba qozonib, viloyat kubogini qo'lga kiritdi. Ushbu bahsni Respublika toifasidagi hakam Rustam CHoriev boshqarib bordi. Biz turnir haqidagi fikrlari va taassurotlarini bilish maqsadida jamoa murabbiyiga yuzlandik.
"Sanjar SHomurodov viloyat futbol associaciyasiga kelgach futbolga bo'lgan qiziqish uyg'ondi. Futbolni yuksaltirishga harakat bo'lyapti. Xudo xohlasa "Denov" jamoasini birinchi B ligaga olib chiqish niyatimiz bor. Proffessional jamoa sifatida tarbiyalanuvchilarimiz bilan oldinga intilmoqchimiz. Tashkiliy ishlar, hakamlik va boshqa jihatlarga etiroz yo'q. Aytganimdek Sanjar SHomurodov kelgach ijobiy tomonga siljish bo'lmoqda.
Faqat tuman hokimligi tomonidan ko'mak berilmayapti. SHunga qaramasdan tadbirkorlar, ukalarimiz qarab turishgani yo'q, yordam berishyapti. Endi yaqin kunlarda yangi hokim tayinlansa bafurja o'tirib gaplashib olishni reja qilganmiz. Muhimi ozgina bo'lsada etibor qaratilishi.
Denov xalqi futbolni sevadigan xalq hisoblanadi. Lekin katta futbol yo'q. Ishonsangiz avvallari stadionlar to'lib ketar edi. Bu xalqning futbolga bo'lgan qiziqishi va mehridan dalolat beradi. Biroq muxlislar uchun madaniy hordiq chiqaradigan joy yo'q, futbol ishqibozlariga bunda stadion asqotadi. 2021 yilda stadionimizni qayta rekonstrukciya qilish va birinchi liga uchun o'n ming o'rindiqli stadion qurish rejalashtirilgan",- deydi Madibek Badalov.
Quyida ushbu uchrashuvdan olingan fotolavhalarni tomosha qiling.
Bosh sahifaga
228