Oy darvozaboni - Abduvohid Nematov
Qarshining "Nasaf" klubi sentyabr oyida beshta o'yin o'tkazdi. Jamoa darvozaboni Abduvohid Nematov esa 4ta o'yinda maydonga tushdi va atigi bitta gol o'tkazib yubordi xolos. Posbon o'zining ishonchli harakatlari bilan jamoa g'alabalariga munosib hissa qo'sha oldi. SHu bois Abduvohid Nematov championat.asia talqiniga ko'ra oktyabr oyining eng yaxshi darvozaboni deb topildi. Etiborlisi sentyabr oyida ham Nematov eng yaxshi posbon bo'lgandi.
Abduvohid Nematov oktyabr oyida o'tkazgan o'yinlari:
"Mashal" 4:1
AGMK 2:0
"Metallurg" 2:0
"Qo'qon-1912" 1:0
Oy goli - Marko Stanoevich
"Nasaf" yarim himoyachisi Marko Stanoevich AGMK bilan bahsda ajoyib gol urishga muvaffaq bo'ldi. Futbolchi chamasi 30 metrlardan belgilangan jarima to'pini to'g'ri darvozaga yo'lladi va chiroyli gol muallifiga aylandi. Championat.asia talqiniga ko'ra, Marko Stanoevich oktyabr oyidagi eng chiroyli gol muallifiga aylandi.
Oy futbolchisi - Bobir Abdixoliqov
Qarshining "Nasaf" klubi hujumchisi Bobir Abdixoliqov so'nggi oylarda juda ajoyib o'yin namoyish etmoqda. Oktyabr oyida futbolchi 5ta o'yinda maydonga tushib 4ta gol urishning uddasidan chiqdi. Bobir Qashqadaryo derbisi maqomidagi "Mashal" bilan bahsda dublga erishgan, Bekobodda "Metallurg"ga gol urgan va juda muhim bahsda "Qo'qon-1912" darvozasini ishg'ol qildi. Championat.asia talqiniga ko'ra Bobir Abdixoliqov oktyabr oyining eng yaxshi futbolchisi deb topildi.
Oy murabbiyi - SHota Arveladze
Kuzning ikkinchi oyida "Paxtakor" Superligada 4ta o'yin o'tkazdi va 4ta g'alabaga erishdi. "SHerlar" raqib darvozasiga 15ta gol urib, 2ta gol o'tkazib yuborishdi. "Paxtakor" dastlab "Qizilqum"ni 3:1 hisobida mag'lub etdi. So'ngra "So'g'diyona" taslim qilindi - 2:0. Keyin Termizda "Surxon" yirik hisobda tor-mor etildi - 6:0. Nihoyat oy oxirida Muborakda "Mashal" taslim qilindi - 4:1. Jamoa bosh murabbiyi SHota Arveladze haqli ravishda championat.asia talqiniga ko'ra oktyabr oyining eng yaxshi murabbiyi deb topildi.
Oktyabr oyida "Paxtakor" o'tkazgan o'yinlar:
"Qizilqum" 3:1
"So'g'diyona" 2:0
"Surxon" 6:0
"Mashal" 4:1
P.S. AGMK va "Bunyodkor" bilan o'yinlar noyabr oyida bo'lib o'tdi.
Bosh sahifaga
219
