SHoxruh Xolmatov: "Neftchi"ga qarshi o'yin oson bo'lmaydi"

 Biz mazkur derbi uchrashuvi oldidan "Turon" jamoasi sardori SHoxruh Xolmatovning fikrlari bilan qiziqdik.

- SHoxruxbek, dastlab muxlislarga o'zingiz haqingizda malumot bersangiz...

- Men 1993-yilda Qo'qon shahrida tug'ilganman. Bolaligimdan futbolchi bo'lishni orzu qilardim, bu sport turiga bo'lgan mehrim juda kuchli edi.

- Birinchi murabbiyingiz kim bo'lgan? Futbolda ilk bor qaysi jamoa safida maydonga tushgansiz?

- Birinchi murabbiyim Vohidjon Xakimov bo'lganlar. Men u kishi qo'l ostida 12 yoshimdan boshlab futbol o'ynashni boshlaganman va shu darajaga etishishimda hissalari katta bo'lgan. Ilk bor Farg'onaning "Neftchi" jamoasida katta futbolga kirib kelganman. 

- "Turon" klubi safiga qachon qo'shildingiz va bu qanday yuz berdi?

- "Turon" safiga 2018-yilda kelib qo'shilganman. O'shanda meni jamoaga klub sport direktori Sobir Hamidov taklif qilgandi. 

- Sizningcha, yakshanba kungi "Neftchi"ga qarshi o'yin qanday ruhda o'tadi?

- "Neftchi"ga qarshi o'yin shiddatli ruhda o'tishi aniq. CHunki ayni damda ikki jamoaga ham 3 ochko juda ham zarur. SHu kuni tomoshabop, muxlislarga yoqadigan bellashuvlarga boy uchrashuv bo'ladi deb o'ylayman.

- Joriy mavsumda "Turon" jamoasi oldiga qanday vazifalar qo'yilgan?

- Jamoamiz oldida faqat va faqat Superliga yo'llanmasiga ega chiqish vazifasi turibdi. Nasib bo'lsa mavsum yakunida bu istagimizga erishamiz degan umiddaman.

- Xorij futbolida qaysi jamoaga muxlislik qilasiz?

- Xorij futbolida Italiyaning "Milan" hamda Angliyaning "CHelsi" klublariga muxlislik qilaman.

- Sevimli futbolchingiz kim?

- Yoshligimdan va hozirgacha ham Braziliya terma jamoasi azosi Tiyago Silvaning o'yinlariga juda qiziqaman. 

- Siz "Turon" jamoasi sardorisiz. Aytingchi, jamoa sardori zimmasiga qanday masuliyatlar yuklanadi?

- Jamoa sardori maydondagi ahillikni taminlash, shuningdek o'ynovchi murabbiy vazifasini ham bajarishi kerak deb o'ylayman. 

- Jamoa muxlislariga tilaklaringiz...

- "Turon" klubi muxlislari birinchi navbat sog'-salomat bo'lishsin. Bizni hamisha hozirgidek qo'llab-quvvatlashdan charchashmasin. Mavsum yakunida Superliga yo'llanmasini birgalikda nishonlaymiz degan umiddaman.

Bekzod Tolibov yozib oldi