"O'zbekiston Kubogi bahslari bir o'yindan iborat. Bu yaxshimi yoki yomon? Hozir buning ahamiyati yo'q. Pandemiya sababli ancha vaqt yo'qotdik. Natijada O'zbekiston Kubogini o'tkazish yilning oxiriga qoldi. Tabiiyki, qisqa vaqt ichida musobaqani o'tkazish kerak. Asosiysi shu va bu normal holat. Lekin biz uchun Kubok o'yinlari ikki o'yinga to'g'ri kelyapti (kulib). Bilasiz, 3 dekabr kuni Superliganing so'nggi turini safarda «Qizilqum»ga qarshi o'tkazamiz, oradan uch kun o'tib endi Kubok bahslarida «Qizilqum» mehmoni bo'lamiz. Bu xuddi Kubokda ikkita o'yin o'tkazishdek gap. Albatta Kubok uchrashuvini o'z maydonimizda o'tkazaganimiz maqul edi. Zero, bir jamoaga qarshi safarda ikki marta o'ynash, ikki bor mehmonga borishning noqulay tomonlari ham bor. SHuning uchun safardagi uchrashuv bilan uyda o'ynashning farqi bo'ladi. PFL O'zbekiston Kubogi qurasining formati bo'yicha o'z taklifini o'rtaga tashlaganida ayni bugun qo'llanilgan formatni tanlagandim. Yani, har bosqich uchun qura tashlash",- deydi Vadim Abramov.
Malumot o'rnida aytib o'tish joiz, "Bunyodkor" jamoas O'zbekiston kubogidagi ishtirokini "Qizilqum"ga qarshi bahs bilan boshlaydi.
Bosh sahifaga
316