"Oson bo'lmagan o'yin o'tkazdik. Uchinchi o'yinndirki safarda o'ynayapmiz. Yigitlar vaziyatni tushunib turishgan edi. Bunday o'yinlarga kuchli tayyorgarlik bilan chiqish kerak. Futbolchilarimga rahmat aytaman. Ko'rdinglar, qiziqarli o'yin bo'ldi. Yaratilgan vaziyatlardan foydalandik. Keyingi o'yinga tayyorgarlikni boshlaymiz. Bo'shashimiz kerak emas. Oldinda yana uchta o'yinimiz bor. Oldimizga qo'yilgan vazifani bajarishga harakat qilamiz",- deydi Abdusamad Do'rmonov.
- "Neftchi"ni Superligada deb tasavvur qilsak bo'ladimi? O'zingiz ishonyapsizmi?
- Bunga hammamiz ishonamiz. Lekin shoshilishimiz kerak emas. Hali oldinda yana uchta o'yin bor. Bugun kerakli o'yinda g'alaba qozondik.
- Ikkinchi bo'limda juda ko'p to'xtalishlar bo'ldi. Hakam esa uch daqiqa qo'shib berdi. Bunga siz qanday qaraysiz?
- Bu savolga aniq javob bera olmayman. Hakamlarni nazorat qiladigan insonlar bor. Bunday bahslarda o'yin cho'zish holatlari ko'p bo'ladi. Hakamlar esa vaziyatni o'zi hal qiladi. Bizning vazifamiz o'yinimizni o'ynash.
- Sizningcha bugun kim uchrashuvning eng yaxshi futbolchisi bo'ldi?
- Bizda hamma harakat qildi. Bugun himoya va yarim himoya chizig'i vakillari yaxshi harakat qildi. Bitta o'yinchini ajratib ko'rsatib bo'lmaydi. Jamoaviy o'yin bo'ldi. Hamma mehnat qildi va borini berdi.
Bosh sahifaga
234