SHunga qaramay, matbuot xizmatlari haqida etarli malumotga egaman. O'ylashimcha, tashkilot yoki tuzilmalarning tashqi imidjini yaratish va ularga bo'lgan munosabatni shakllantirishda matbuot xizmatlarining o'rni bo'lakcha. Ular to'g'ri axborotlarni kerak paytda ommaga taqdim qilib borishga masul.
Yurtimizda O'zbekiston Futbol Associaciyasi degan nodavlat notijorat tashkilot hamda uning matbuot va media departamenti bor. Keling, shu tashkilotning rasmiy saytiga etibor qaratamiz.
O'FA rasmiy saytiga ko'ra, O'zbekiston milliy terma jamoasi 12 noyabr kuni Suriyaga qarshi o'rtoqlik uchrashuvida maydonga tushishi kerak.
YO bu o'yin rostan ham o'tkazilmagan, yoki men Mahmud Al Mavasning yagona goli taqdirini hal qilgan bahsni tushimda ko'rganman. Xullas, saytda 6 noyabrdan beri hech qanday material chiqarilmagan. Mayli...
Sayt 3 tilda yuritiladi — o'zbek, rus, ingliz. Ingliz tilidagi so'nggi xabar 24 sentyabrga tegishli.
Umuman olganda, ingliz tilida so'nggi 7,5 oy ichida 2 dona, yil boshidan beri 18 ta xabar elon qilingan. Masalan, eronlik qaysidir sport jurnalisti terma jamoamiz haqida yoki O'FAning faoliyati to'g'risida malumot olish uchun tashkilotning saytiga kirsa, unda 2 xil taassurot paydo bo'ladi: yo O'FA so'nggi 7 oy ichida hech narsa qilmagan, yoki matbuot xizmati vakillari uzoq muddatlik uyquga ketishgan.
Solishtirib ko'ring: Tojikiston futbol federaciyasi rasmiy sayti → kiring, Janubiy Koreya futbol associaciyasi rasmiy sayti → kiring.
Ijtimoiy tarmoqlarga o'tamiz. Ayni paytda O'FAning Twitter'da faqat rus tilida yuritiladigan sahifasi bor. Davlat tili — o'zbek tili, qaysidir xorij tili tanlangan taqdirda ham, sahifani ingliz tilida yuritish maqulroq bo'lar edi, bizningcha. Savol tug'iladi: Xo'sh, nega aynan rus tili tanlangan?
Solishtirib ko'ring: Turkiya milliy jamoasining rasmiy sahifasi → kiring, Janubiy Koreya futbol associaciyasi rasmiy sahifasi → kiring.
O'z navbatida takidlash lozimki, O'FAning Telegram, Instagram va Facebook'dagi rasmiy sahifalari ajoyib tarzda yuritilmoqdi. Ammo bu kam, juda ham kam. Bunday darajadagi tashkilotning ingliz tilida ham malumot olish imkoniyati mavjud bo'lgan sahifalari bo'lishi, rasmiy sayt hech qachon "uxlab qolmasligi" kerak.
Bu borada tashkilotning matbuot xizmati masullarini ayblash fikridan yiroqmiz. Yodingizda bo'lsa, saytimizda "Ikki qayiqni boshqarayotgan murabbiylar yoxud bundan qaysi tomon jabr ko'radi?" mavzusidagi maqola elon qilingan. SHundan keyin terma jamoalar bo'limi boshlig'i Azizbek Haydarov haqiqatan ham terma jamoa murabbiylarining maoshi nisbatan kamligini ochiqlagan, shu tufayli ular bir paytning o'zida klublarda ham faoliyat yuritayotanini takidlab o'tgan edi. Ehtimol, matbuot va media departamenti xodimlarining ahvoli ham shunga o'xshashdir. Hayot isbotlagan qoida bor-ku: "Mehnatga yarasha haq to'lanmasa, kishi haqqa yarasha mehnat qila boshlaydi". Bu yog'i bizga qorong'u. Umid qilamizki, O'FAning rasmiy sayti ham tez orada jonlanib qoladi.
P.s.: Yodingizda bo'lsa, O'zPFL rasmiy saytining faoliyati ham yaqin-yaqingacha qoniqarsiz deya baholanardi. Diyor Imomxo'jaev taykilot boshiga kelgach, PFL matbuot va ijtimoiy tarmoqlar bilan ishlash bo'limining faoliyati keskin jonlandi, ijobiy tomonga burilib ketdi. Tez orada O'FAda ham bu sohaga etibor kuchayishini kutib qolamiz.
Faxriddin Ro'ziev, O'zJOKU talabasi
Bosh sahifaga
278