Aziz G'aniev: "Ajoyib o'yin ko'rsatib muxlislarni xursand qilmoqchimiz"

Milliy jamoamizning kechagi mashg'uloti avvalida yarim himoyachi Aziz G'aniev fikrlari bilan o'rtoqlashdi.

"Boshida dastlab ko'nikish qiyin bo'ldi. Keyinchalik sekin asta jamoaga moslashib murabbiyning ishonchini qozonishga harakat qildim. Asosiy tarkibda harakat qilmoqdaman, hammasi yaxshi. CHempionat bahslari ham boshlandi.  O'yindan oldin mashg'ulotlarda jarima zarbalarini amalga oshirish uchun  2-3 ta futbolchilar urinib ko'radi. Menda bu o'xshayotganligi uchun murabbiy jarimalarni tepishimni aytdi. 

Iroq terma jamoasi ham yaxshi jamoa. Ularning o'yinlarini ko'rib kuchli va kuchsiz tomonlarini o'rganib chiqdik. Ajoyib o'yin ko'rsatib muxlislarni xursand qilmoqchimiz. 

Bosh murabbiy qaysi joyga qo'ysa o'sha erda to'p tepishga harakat qilaman. O'zim uchun esa markazda harakat qilish qulay",- deydi Aziz G'aniev O'FA matbuot xizmatiga.