Yurgen Klopp: "Borussiya" gol ursa nishonlamayman, SHimoliy Koreyaga borgandan ko'ra Dortmundga raqib sifatida kelish afzalroq"

"Dortmund juda ajoyib o'ynaydi. Ular juda sovuqqonlik va qo'rqmasdan oldinga o'tishadi. Bizga ularga qarshi o'yin oson bo'lmaydi, ammo biz kurashga tayyormiz. Matbuot anjumaniga 20 daqiqa avval kelganimdan mamnunman. CHunki bu vaqt oralig'ida eski qadrdonlar bilan gaplashib, diydorlashib oldik. Bu imkoniyatdan foydalanmaslik ahmoqning ishi bo'lardi. Ertaga esa hammasi boshqacha bo'ladi. Futbol, yani o'yin bo'ladi. Biz ertaga boshqa-boshqa kiyinish xonalarida bo'lamiz. Dortmundga o'z maqsadlarimiz bilan birga tashrif buyurdik. O'ylaymanki, bizda vaziyatlar bo'ladi va ushbu imkoniyatlardan foydalanishga harakat qilamiz. To'qnashuv favoriti "Borussiya Dortmund". Ular joriy mavsumni juda ko'tarinki ruhda o'tkazishmoqda va ichki chempionatda chempion bo'lishlari ham mumkin. Trebl qilish uchun ham ularda imkoniyat borligi so'zimga isbot. Agarda ertaga Dortmund gol ursa, unda golni nishonlamayman, bunga to'liq ishonavering! Biz doimo o'z do'stlarimizga qarshi o'ynaganda g'alaba qozonishni istaymiz. SHimoliy Koreyaga borgandan ko'ra raqib sifatida Dortmundga kelgan afzalroq. Ayni paytda "Liverpul" Evropa ligasida favorit jamoalar sirasiga kirmaydi. Lekin Dortmund to'sig'idan o'tsak, unda biz ushbu ro'yxatdan joy olamiz", - deydi Yurgen Klopp.

Eslatib o'tamiz, ertaga Evropa ligasi doirasida "Liverpul" Dortmundda "Borussiya" mehmoni bo'ladi. Yurgen Klopp o'zining sobiq jamoasiga qarshi ilk o'yinini o'tkazadi.