“Qo'qon-1912”: “Buxoro”ga qarshi o'yin oldidan

Buni yaxshi his etib turgan futbolchilar mashg'ulotlarga zo'r berishgan. Murabbiylar shtabi ham futbolchilarni o'yinga optimal formada kirib borishlari uchun bor imkoniyatlarini ishga solishmoqda.




Xabaringiz bor, shanba kuni Qo'qondagi “Markaziy” o'yingohida vakillarimiz “Buxoro” klubini qabul qilishadi.  Ayni damga kelib har ikki jamoa turnir jadvalida yonma-yon joylashgan. Murodjon Ismoilov shogirdlari olti ochko bilan ettinchi o'rinda borayotgan bo'lishsa, Jamshid Saidov boshchiligidagi buxoroliklar besh ochko jamg'argan holda sakkizinchi pog'onadan joy olishgan.

Jamoamiz uchun mavsum starti muvaffaqiyatli boshlanganini takidlash joiz, “Qo'qon-1912” hozirga qadar o'tkazilgan beshta (kubok bahslari ham nazarda tutilmoqda) uchrashuvda maydonga tushib, to'rtta g'alabaga erishdi.

“Buxoro” ham mavsumni yaxshi boshladi. Jamshid Saidov shogirdlari to'rtta o'yinning ikki g'alaba, ikki durangga erishgan.

Ko'rinib turidiki, shanba kuni muxlislarni shiddatli uchrashuv kutib turibdi.




“Qo'qon-1912” – “Buxoro” uchrashuvi boshlanish vaqtlari malum bo'ldi. Ertaga bo'lib o'tadigan o'rinbosarlar bahsi soat 14:00da boshlanadi. SHanba kungi asosiy tarkib o'yini esa soat 16:30 da belgilangan.