Maruf Ahmadjonov: “Jamoamiz yaxshi holatda”

Biz bellashuvdan oldin mehmonlar azosi Maruf Ahmadjonovning fikrlari bilan qiziqdik.

"Bu raqibga qarshi o'yinlar har doim qiyin bo'lgan. So'nggi uch yildagi uchrashuvlarda hisobda oldinga chiqib olgan bo'lsak-da, yutqazib qo'yganmiz. Balki bu o'sha bellashuvlarda gol urganimizdan keyin xotirjamlikka berilganimiz bilan bog'liqdir?

Raqibda jamoaviy o'yin yaxshi shakllangan. Futbolchilar maydonning har bir qarich eri uchun astoydil kurashishadi. SHuning uchun o'z maydonidagi bellashuvlarda g'alaba qozonishadi. O'zbekiston Kubogidagi mag'lubiyatdan keyin o'zimizga kerakli xulosalarni chiqarib oldik. Mashg'ulotlarda ham taktik tarafdan, ham jismoniy tarafdan yaxshi tayyorlandik. Fikrimcha, jamoamiz hozir yaxshi holatda", - deydi Ahmadjonov.