"Navbahor": Yoshlarimiz voha sari yuzlanishdi

Asosiy tarkib azolari poytaxtdagi “Geofizika” qarorgohida shug'ullanishayotgan bo'lsa yoshlarimiz hozirlikni Namanganda olib borishdi. Ayni paytda Durbek Umaraliev boshchiligidagi yoshlarimiz Toshkent-Qarshi poezdida Qashqadaryo viloyati sari yo'lga chiqishga ulgurishgan. Yoshlarimiz bir necha soatdan keyin Qarshiga etib borishadi. Ertaga tushdan keyin yoshlarimiz Muborakka yo'l olishadi. Yoshlar birinchiligidan o'rin olgan “Mashal” va “Navbahor” jamoalari o'rtasidagi o'yin 8 aprel kuni soat 16.00 da boshlanadi.
Asosiy tarkib azolari bugun Toshkentda olib borilgan mashg'ulotlarni yakuniga etkazishdi. Jamoamiz azolari ertaga tongda Toshkent-Qarshi poezdi orqali belgilangan manzil sari safarga otlanishadi. Qashqadaryo viloyatiga etib boradigan G'ofurov shogirdlari ertaga o'yin oldidan so'nggi mashg'ulotni o'tkazishadi. Eslatib o'tamiz, 9 aprel sanasi soat 16.30da B.Vafoev nomli o'yingohda start oladigan uchrashuvni Timur To'xtasinov boshchiligidagi andijonlik hakamlar brigadasi boshqaradi.