Vohid Xolboev: "Durang uchun o'ynagandik"

- O'yin to'g'risida nima deyman? Qo'l ostimdagi futbolchilarning aksari yosh bo'lgani tufayli uchrashuv avvalida biroz hayajonlanishdi. Sababi, raqib tarkibida tajribali o'yinchilar bor. Agar kecha to'g'ri o'ynamaganimizda yutqazib qo'ygan bo'lardik. Bizning tarkibimizda ham bir nechta tajribali o'yinchilar bor. Ular qolgan yoshlarni to'g'ri yo'lga yo'naltira olishini natijasida g'alaba qozondik.

Uchrashuvdan avval "Oq-tepa" birinchi ligadagi eng kuchli jamoa ekanligini bilardik. Buni futbolchilarga ham aytib o'tgandik. Rosti, bugun qarshi hujum taktikasidan foydalandik. Futbolda raqibga qarab taktika tanlash bor. Biz shunday yo'l tutdik. Aks holda "Oq-tepa"ning tajribali futbolchilari bizni istagan vaqtda jazolab qo'yishlari mumkin edi. CHunki futbolda aqlli futbol muhim rol o'ynaydi.

Uchrashuvda kichik hisob bo'lishini taxmin qilgandim va shunday ham bo'ldi. To'p nazorati asosan mehmonlarda bo'ldi, ammo biz tartibli himoya va ishtiyoq evaziga g'alaba qozondik. Ochig'i, maydonga durang uchun chiqqandik. Lekin yuzaga kelgan imkoniyatdan foydalanib, gol urdik va g'alaba qozondik, - deydi Xolboev.