Prevyu. "Andijon" - "Neftchi"

Andijon (Andijon) – Neftchi (Farg'ona)
9 aprel 2016. Andijon. "Sog'lom Avlod" stadioni. 17:00
Hakamlar: V. Agishev (Toshkent), T. Gaynulin (Toshkent), V. Lushin (Gulistan), A. Rubakov (Toshkent)
Nazoratchi: A. Arutyunov (Toshkent).

“Andijon” va “Neftchi” oliy ligada 44 bor kuch sinashishgan. Katta ustunlik “Neftchi” tomonida. 32ta o'yinda “Neftchi” raqibni mag'lub etgan. Etti o'yinda “burgutlar”ning qo'li baland kelgan. Yana besh uchrashuvda durang natija qayd etilgan. “Neftchi” o'zaro o'yinlarda 90 bor raqib darvozasiga yo'l topa olgan. “Andijon” esa 36 marta gol ura olgan. “Neftchi” o'zaro o'yinlarda 101 ochkoni qo'lga kiritgan bo'lsa, andijonliklar hisobida 26 ochko mavjud. “Neftchi”ning “Andijon” ustidan qozongan eng yirik g'alabasi – 7:1. “Burgutlar”ning eng yirik g'alabasi esa - 2:0.

O'tgan mavsum Andijondagi bahsda mehmonlar g'alaba qozonishgan. Sardor Rahmonov, SHerzod Hakimov, Akmal Xolmatov va Murod Bobojonovning gollari "Neftchi"ga yirik g'alabani keltirgandi - 4:0. Farg'onada esa "burgutlar" zafar quchishgan. "Neftchi"ning sobiq hujumchisi Anvar Berdievning urgan goli "Andijon"ga 3 ochko keltirgandi - 1:0.

Andijonda o'tgan oxirgi besh uchrashuv:
30.05.2015  Andijon – Neftchi  0:4
22.06.2014  Andijon – Neftchi  1:3
29.04.2012  Andijon – Neftchi  1:0
27.07.2010  Andijon – Neftchi  1:0
19.09.2009  Andijon – Neftchi  3:2

O'zaro o'yinlar haqida fakt:  “Andijon” o'z maydonida anchayin kuchli raqiblarni ham mag'lub eta olishini bilamiz. Ammo “Neftchi” ularga juda noqulay raqibdir. “Andijon”ning o'z maydonida “Neftchi”ga qarshi o'tkazgan barcha o'yinlari natijalari quyidagicha: 6 g'alaba, 4 durang, 11 mag'lubiyat.