Marat Bikmaev: "So'g'diyona"ga qarshi oson bahs kechmaydi"

"Temiryo'lchilar" safarga yo'l olishlaridan oldin jamoa etakchilaridan biri Marat Bikmaevning fikrlari bilan qizikdik.

- Marat, avallambor, Osiyo CHempionlar ligasidagi yutuq bilan tabriklayman. “Sepaxon” bilan kechgan o'yin borasida qanday fikrdasiz?
- Tabrik uchun rahmat. O'yin juda og'ir kechdi.Safardagi uchrashuv ham og'ir o'tgandi. Noqulay havo va kuchli yomg'ir o'yinimizni qiyinlashtirgandi. O'z maydonimizda kechgan bellashuv ham juda og'ir bo'ldi.O'yinni kuchaytirish maqsadida mening o'rnimga Jasur Hasanovni tushurishdi va ushbu qiyin bahsda biz g'alaba qozondik. Maqsadimiz ham shu edi.

- Malumki, "Lokomotiv" o'zining navbatdagi uchrashuvini safarda "So'g'diyona"ga qarshi o'tkazadi. O'yin oldidan qanday fikrdasiz?
- O'yin oson bo'lmaydi. Maqsadimiz faqat g'alaba qozonish. Ko'pchilik bu uchrashuvda “Lokomotiv”ning g'alabasini taxmin qilyapti. Aytishim mumkin, “So'g'diyona” ham osonlicha taslim bo'lmasa kerak. Jizzax jamoasi bungacha ikki bor yutqazdi va "Navbahor" bilan durang o'ynadi. Ularga ham ochko kerak. "So'g'diyona" ham maydonga 100% tayyorgarlik bilan tushadi. Biz esa doimgidek o'yinimizni ko'rsatishga harakat qilamiz. Eng muhimi bu ishtiyoq va ruhiy tayyorgarlik.

Dildora Xolboeva suhbatlashdi