Bugun Olim To'ychiboev oliy ligada debyut qiladi

Muxlislar G'uzorda “SHo'rtan” – “Bunyodkor” qarama–qarshiligiga guvoh bo'lishsa, Jizzaxda “So'g'diyona” “Bunyodkor” bilan hisob–kitob qiladi.

Oliy liga. 4–tur
10 aprel (yakshanba)
SHO'RTAN – BUNYODKOR
Bosh hakam: Olim To'ychiboev (Farg'ona).
Olim To'ychiboev bugun oliy ligadagi debyut o'yini o'tkazadi. Bu uchrashuv “SHo'rtan” – “Bunyodkor” bahsiga to'g'ri keldi. Ko'ramiz, farg'onalik hakamning debyuti kim uchun omadli kelar ekan?!

SO'G'DIYONA – LOKOMOTIV
Bosh hakam: Viktor Serazetdinov (Toshkent).
2015 yil oliy ligada 14ta uchrashuvni boshqargan Viktor Serazetdinov “So'g'diyona” uchun omadsiz hakam deyish mumkin. Albatta buni to'g'ridan–to'g'ri tushunmaslik kerak. SHunchaki, statistika shuni ko'rsatmoqda. Serazetdinov o'tgan mavsum jizzaxliklarning 3ta o'yini boshqargan. Ahamiyatlisi, uchchala uchrashuvda ham “So'g'diyona” mag'lubiyatga uchragan. Mag'lubiyatning ikkitasi o'z maydonidagi bellashuvlarda qabul qilib olingan.

“Lokomotiv” ham bu borada u qadar omadli emas. O'tgan mavsum chempionlikni qo'lga kirita olmagan “temiryo'lchilar”ga birinchi davrada yo'qotilgan ochkolar pand bergan. Xususan, “Loko” birinchi davrada safarda “Olmaliq” bilan durang o'ynab, ikki ochko yo'qotgan edi. Aynan o'sha bellashuvni Serazetdinov boshqargan.

2015 yil. “So'g'diyona” ishtirokidagi uchrashuvlar
NASAF – SO'G'DIYONA – 3:1
SO'G'DIYONA – NEFTCHI – 0:1
SO'G'DIYONA – BUXORO – 2:3

“Lokomotiv” ishtirokidagi uchrashuv
OLMALIQ – LOKOMOTIV – 2:2