Zoir To'raqulov: "SHo'rtan"ga jamoa uchun jonini berib o'ynaydigan futbolchilar etishmayapti"

"Futbolda yaratilgan vaziyatlardan unumli foydalanish lozim. Bugun biz yuzaga kelgan vaziyatlarni golga aylantira olmadik. Sardor Rasulov agarda birinchi yaratilgan vaziyatdan gol ura olganida o'yin boshqacha kechishi mumkin edi. Jamoamizda barcha futbolchilar birdek ter to'kmayapti. Futbolda 10 ta futbolchi o'ynasayu, bittasi bo'lsa ham o'ynagisi kelmasa, unda jamoaga juda qiyin bo'ladi. Bizda bazi futbolchilar jamoa uchun kuyib o'ynamayapti. O'yin jihatidan olib qaraganda, "Bunyodkor" bilan o'ynasa bo'ladi. Gol urishda oqsadik. "Bunyodkor" ikkichni taymda sodir etgan yagona vaziyatidan naf chiqardi va g'alabani qo'lga kiritdi. "Bunyodkor"ni kamsitmoqchi emasman, ular tajribali jamoa. Raqib jamoa bizdan ko'ra tezkor futbol o'ynadi va bu jihat o'yinga o'z tasirini ko'rsatdi. Zaxira o'rindig'idan to'liq foydalanmaganimning sababi, yoshlar maydonga tushishga tayyor emaslar. CHunki bitta futbolchimiz qizil kartochka olgandi. Safimizdagi ikkita o'yinchimizni universiadaga olib ketishgan. O'yinga tayyor bo'lmagan futbolchilarni maydonga qo'ymadim. Ular hali katta futbolga tayyor emaslar. Yoshlar jamoasida o'ynay olmayotgan futbolchini asosiy tarkibda o'ynatishdan qo'yishdan ne naf? Jamoamiz futbol o'ynamoqda. Harakat bor. Ammo jamoaga nimadir bo'lgan? Jamoada ruhiy tomonlama bosim sezilmoqda. Uchta o'yindagi nol ochko va to'rtinchi bellashuvdagi mag'lubiyat jamoaga tasir ko'rsatdi. Jamoa bilan o'yinlarni tahlil qilamiz, kerakli xulosalarni chiqaramiz. Agarda bazi futbolchilar o'ynagisi kelmasa, unda yoshlar tarkibidan o'ynashni istagan futbolchilarni tanlab olamiz. SHunday futbolchilar borki, yil boshida shartnomaga imzo chekadi va maoshni olib, shunchaki yuradi. Bu kabi futbolchilardan voz kechish kerak. Jamoaga jonini beradigan, 90 daqiqa tinmay mehnat qiladigan, futbol o'ynaydigan futbolchilarni olish kerak. O'shandagina nimadirga erishsa bo'ladi. SHunchaki nomiga futbol o'ynab yuradigan o'yinchilar bizga kerak emas. Ayni paytda "SHo'rtan"da ham shunday 4-5 futbolchilar topiladi. Jamoamizga yangi olingan futbolchilar muhitni buzgan. Bu narsa o'z tasirini o'tkazmoqda", - deydi Zoir To'raqulov.