“Mashal” – “Navbahor” uchrashuvi raqamlarda

Eng kam: “Mashal” – “Navbahor” uchrashuvida bosh hakam cho'ntagidan bir bor sariq kartochka olishga majbur bo'ldi xolos. Bu bellashuv 4- tur o'yinlari orasida eng kam ogohlantirish ishlatilgan uchrashuvga aylandi.

Eng yomon: Uchrashuvni boshqargan bosh hakam Temur To'xtasinovning ishi nazoratchi tomonidan 7,7 ballga loyiq topildi. Andijonlik referi 4- turda hamkasblari orasida eng kam baho oldi.

1- Yarim himoyachimiz Dilshod Jabborov O'zbekiston chempionati doirasida “Navbahor”ning mehmonda urilgan birinchi goliga mualliflik qildi.

2- Muborakda o'tkazilgan o'zaro o'yinlar tarixida 2:1 hisobi ikkinchi marotaba qayd etildi. Birinchi bor xuddi shu hisob 2005- yilda kuzatilgan. Ushbu o'yinda sariq kartochka olgan himoyachimiz Aziz G'ulomxo'jaev mavsumda ikkinchi marotaba ogohlantirish ishladi. Uchrashuv bosh hakami Temur To'xtasinov uchun “Mashal” – “Navbahor” uchrashuvi Oliy liga ushbu mavsumida boshqargan ikkinchi o'yini. Etiborlisi, To'xtasinov har ikki o'yinda ham sakkiz balldan past baxolangan.

3- Dilshod Jabborov “Navbahor”ning O'zbekiston chempionati ushbu mavsumidagi uchinchi goliga mualliflik qildi. To'rt o'yinda maydonda to'liq harakat qilgan Uchta futbolchimiz

4- To'rtinchi turdan so'ng hali g'alaba qozonmagan jamoalar to'rtta qoldi. “Navbahor”dan tashqari “SHo'rtan”, “Obod” va “So'g'diyona” ham muvaffaqiyat qozona olishmagan.

5- “Mashal”ning O'zbekiston chempionatida urgan gollari soni beshtaga etdi.

6- “Lochinlar”ning Muborakdagi bellashuvdan so'ng chempionatdagi o'tkazib yuborgan gollari endi oltitani tashkil etmoqda.

7- Hisobida sariq kartochkasi bor futbolchilarimiz ettita bo'ldi

8- Sakkiz yildan buyon “Navbahor” muborakliklar maydonida o'z darvozasidan ikki va undan ortiq to'p o'tkazib yubormoqda.

9- Musobaqa peshqadami bilan jamoamiz orasidagi ochkolar farqi 9 tani tashkil etmoqda.

10- CHempionatimizdagi o'nta jamoa mehmonda uch ochko ishlay olishmadi.

12- O'n ikki yildan buyon jamoamiz “Mashal” maydonidan g'alabasiz qaytmoqda.

13- Endi muborakliklar “Navbahor” bilan o'zaro o'yinlarda 13 g'alabaga ega bo'lishdi.