"Universiada-2016": Farg'ona terma jamoasi final bosqichida
/ Kiritdi: BestMaster O'qilgan: 2519
Avval xabar berib o'tganimizdek, “Universiada – 2016” futbol musobaqasiga start berildi. Qoraqalpog'iston Respublikasi va viloyat terma jamoalari mintaqalarga bo'lingan holda saralash bahslarida maydonga tushishdi.
Vodiy mintaqasida bo'lib o'tgan saralash bosqichida farg'onalik talabalar birinchi o'rinni olgan holda final yo'llanmasiga ega bo'lishdi.
O'yinlar Namangan shahrida bo'lib o'tdi. Bahrom Haydarov boshchilik qilgan Farg'ona terma jamoasi har ikki uchrashuvda g'alaba qozonishga erishdi. Avvaliga andijonlik talabalar 6:0 hisobida dog'da qoldirildi. Bu orada mezbonlar – Namangan terma jamoasi andijonlik talabalarni 8:0 hisobida mag'lubiyatga uchratdi.
So'nggi o'yin – Namangan – Farg'ona bahsida final bosqichi yo'llanmasi hal bo'lishi lozim edi. Maydon egalarini hatto durang natija ham qoniqtirardi. Lekin bu safar ham uchrashuvni kutarinki ruhda o'tkazgan Farg'ona terma jamoasi 3:1 hisobida raqibdan ustun keldi va final bosqichida ishtirok etish huquqini qo'lga kiritdi.
Taniqli mutaxassis Bahrom Haydarov boshqargan Farg'ona terma jamoasi safida SHukurali Po'latov, Dilyor Ermatov, Iqbol Boboxonov, Sardor Mirzaev kabi mahortli futbolchilar to'p surishdi. “Qo'qon-1912” jamoasining umidli o'yinchisi Iqbol Malikjonov ham Farg'ona viloyati terma jamoasi sharafini himoya qilganini takidlash joiz.
Universiada – 2016
Futbol. Saralash bosqichi
Vodiy mintaqasi
Farg'ona – Andijon – 6:0
Namangan – Andijon – 8:0
Namangan – Farg'ona – 1:3
Farg'ona 2 2 0 0 9-1 6
Namangan 2 1 0 1 9-3 3
Andijon 2 0 0 2 0-14 0
Abror Dehqonov
Bosh sahifaga
102