"Barselona" 5 yil davomida Neymarga 45,9 mln. evro to'lashga kafolat bergan

Malumotlarga ko'ra, Neymarning rasmiy yillik maoshi 5 mln. evro etib belgilangan, ammo futbolchi bonuslar tufayli ko'proq mablag' ishlab oladi. Agar 2018 yilning yozigacha "Barselona" Neymarga 45,9 mln. to'lay olmasa, har qanday holatda ham bu pullarni futbolchining hisobiga o'tkazib berishi kerak bo'ladi.

Neymar 2013 yilda Kataloniya klubi bilan shartnoma imzolagani uchun 8,5 mln. evro olgan.

Neymarning bonuslari quyidagicha taqsimlanadi: har bir uchrashuvda "Barselona" qaydnomasiga kirsa (maydonga tushishi yoki tushmasligidan qatiy nazar) 100 ming evro. Agar u mavsumning 62% o'yinlarida ishtirok etsa 1 mln. 62 ming evro oladi. "Barselona" saralash bosqichisiz CHempionlar ligasida ishtirok etsa 637 ming evro (har mavsumga) ishlab oladi. Jamoa guruh bosqichini muvaffaqiyatli yakunlasa uning hisobiga 425 ming evro o'tkaziladi.

"Oltin to'p" uchun - 425 ming evro.

Ispaniya chempionligi uchun - 637 ming evro.

CHempionlar ligasidagi oltin medal uchun - 850 ming evro.

Ispaniya chempionati va Kubogidagi g'alaba uchun - 850 ming evro.

Mamlakat Kubogi va CHempionlar ligasi uchun - 1 mln. 62 ming evro.

Ispaniya chempionati va CHempionlar ligasi uchun - 1 mln. 487 ming evro.

Ispaniya chempionati va Kubogi, CHempionlar ligasi uchun - 1,7 mln. evro.

Agar Neymar qo'lga kiritilgan turnir uchrashuvlarining 60%dan kamrog'ida ishtirok etsa - ko'rsatilgan mablag'ning yarmi to'lanadi.

SHartnomada Neymar ispan tilini o'rganishi kerakligi haqida ham band bor.