Ertangi qura tashlash marosimida Sami Al Jaber va Park Ji Sun qatnashadi
/ Kiritdi: BestMaster O'qilgan: 1331
Ertaga Malayziya poytaxti Kuala-Lumpur shahrida Jahon chempionati-2018 saralashining 3-bosqichi uchun qura tashlash marosmi bo'lib o'tadi.
“Mandarin Oriental” mehmonxonasida bo'lib o'tadigan qura tashlash marosimi Toshkent vaqti bilan soat 13:30da boshlanadi. Unda 12 terma jamoa JCH-2018 saralashi 3-bosqichi uchun o'z raqiblarini bilib olishadi. Jamoalar 6tadan ikki guruhga bo'lingan holda JCH-2018 final bosqichi yo'llanmasi uchun kurashni davom ettiradilar. Qura tashlash marosimida Osiyoning mashhur futbolchilari Sami Al Jaber va Park Ji Sun qatnashishadi.
"Jahon chempionatiga chiqish har qanday futbolchining orzusi hisoblanadi. Ishonchim komilki barcha 12 jamoa Rossiyadagi mundialga borish uchun qo'llaridan kelgan ishni qilishadi", - deydi Janubiy Koreya terma jamoasi sobiq yarim himoyachisi Park Ji Sun.
Eslatib o'tamiz, O'zbekiston milliy terma jamoasi qura jarayonida Saudiya Arabistoni bilan birga 3-savatdan joy oladi va bu jamoa bilan to'qnash kelmaydi.
Birinchi savatcha
Eron va Avstraliya
Ikkinchi savatcha
Janubiy Koreya va Yaponiya
Uchinchi savatcha
Saudiya Arabistoni va O'zbekiston
To'rtinchi savatcha
BAA va Xitoy
Beshinchi savatcha
Qatar va Iroq
Oltinchi savatcha
Suriya va Tailand
Bosh sahifaga
827